د نقشِ نعلِ پاک برکتونه

 خوږو او محترمو اِسلامي وروڼو! د خوږ نبي، ښه نبي، رښتوني نبي صَلَّى اللهُ عَلَيْهِ وَاٰلِهٖ وَسَلَّم د نَعلَېن شريفېن څومره لوئي شان دے، د هغوئي د نعل شريف نقش مبارک کوم چې عام مېلاؤېږي، د دې هم داسې داسې برکتونه دي چې بس څۀ به درته وايم۔

شېخِ طريقت اميرِ اهلِسُنَّت مولانا اِلياس عطار قادري دَامَتْ بَرَکَاتُہُمُ الْعَالِیَه فرمائي: اَلْحَمْدُ لِلّٰہ! ما د نعلِ پاک پۀ موضوع ډېر کار کړے دے۔ ما داسې قِسمه حکايتونه هم راجمع کړي دي کوم چې د صدو پخوانو بزرګانو پۀ خپلو کتابونو کښې ليکلي دي مثلاً * يوه وداني راپرېوتله د کومې پۀ يو دېوال چې نقشِ نعلِ پاک جوړ شوے وو نو هٰغه دېوال کوږ ودرېدو او غالباً هغې ته څۀ نقصان وه نۀ رسېدو او شايد باقي ټول دېوالونه راپرېوتي وو * دغه شان 20 يا 25 کاله زړه خبره ده چې زۀ يو ځل پۀ هوائي جاز کښې چرته روان ووم نو يو عام ماډرن کَس زما سره ناست وو، ما هغۀ ته سلام اوکړو او تعلقات مې ورسره جوړ کړه د پاره د دې چې هغه پوهه کړم۔ ما هغۀ ته د دعوتِ اِسلامي په باره کښي ووئيل نو هغۀ ما ته د نعلِ پاک کارډ وښودو او وه يـې وئيل: ستاسو سره هم دا وي او زما سره هم دا شته، بيا هغۀ خپله قيصه بيان کړه او وه يـې وئيل: زۀ يو ځل چرته روان ووم نو پۀ لاره کښې اوبۀ راجمع شوې وې پۀ کومو کښې چې زما موټر بالکل ډوب شو د دې پورې چې پۀ اوبو کښې بالکل غائب شو، زما پۀ جېب کښې د نعلِ پاک کارډ وو د کوم پۀ برکت چې اَلْحَمْدُ لِلّٰہ! زما موټر بره راوختو او زۀ ترې بهر راوتلم۔ د هٰغه کَس پۀ نعلِ پاک باندې دومره اِعتماد ځکه وو چي د نعلِ پاک زما د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم سره نسبت دے او خبره هم ټوله د نسبت ده۔ وګورئ چې کله انسان پوليس والا بچ کولے شي، وسله يې بچ کولے شي، نو د نعلِ پاک نقش د الله پاک پۀ عطا سره ولې نشي بچ کولے؟ ياد ساتئ چې پۀ اصل کښې بچ کوونکے ذات د الله پاک دے باقي ټولې ذريعې وي لکه څنګه چې ډاکټر هم عِلاج کوي