دعائے امیرِ اَہلِ سُنّت

Al Quran Books Madani Channel

Magazine Courses Media

(پارہ:2، سورۂ بَقَرہ:248)

ہارون کی چھوڑی ہوئی چیزوں کا بقیہ ہے۔

تفسیر صراط الجنان میں ہے: اس تابوت میں توریت شریف کی تختیوں کے ٹکڑے، حضرت موسیٰ علیہ السَّلام کے کپڑے، آپ کے نَعْلَیْنِ شَرِیْفَیْن (یعنی مُبَارَک جوتے)، حضرت ہارون علیہ السَّلام کا عمامہ اور ان کی لاٹھی مُبَارَک تھی۔ بنی اسرائیل کو کوئی مشکل پیش آتی تو وہ اس تابوت کو سامنے رکھ کر دُعا کرتے، ان کی دُعا قبول ہوتی، اس تابوت کی برکت سے انہیں جنگوں میں فتح ملتی تھی۔^{(^[1])}

سُبْحٰنَ اللہ!اندازہ لگائیے! جب حضرت موسیٰ علیہ السَّلام کے نَعْلَیْنِ شَرِیْفَیْن کی یہ برکت ہے کہ قرآنِ کریم انہیں سکونِ دِل کا سبب قرار دیتا ہے، اِس کی برکت سے مشکلات ٹلتی ہیں، دُعائیں قبول ہوتی ہیں اور جنگوں میں فتح نصیب ہوتی ہے تو جو حضرت موسیٰ علیہ السَّلام کے بھی آقا ہیں یعنی ہمارے نبی، پیارے نبی، سچّے نبی، اچھے نبی آخری نبی، مُحَمَّد عربی صَلَّی اللہ عَلَیْہِ وَ آلِہٖ وَ سَلَّم ؛ آپ کے نَعْلَیْنِ شَرِیْفَیْن اور ان کا نقشِ پاک کیوں دِل کے سکون اور چین، مشکلات کے حل اور دُعاؤں کی قبولیت کا سبب نہیں ہو گا۔

تجربہ شاہد ہے کہ اَلحمدُ للہ! نقشِ نعلِ پاک کی برکات نصیب ہوتی ہیں۔ لہٰذا نقشِ پاک اپنے پاس رکھنے کی ضرور عادَت اپنا لیجیے! اِنْ شَآءَ اللہ الْکَرِیْم! اللہ پاک نے چاہا تو بیماریوں سے شفا ملے گی، تنگدستیوں سے نجات ملے گی، آفتوں سے چھٹکارا نصیب ہو گااور اللہ پاک نے چاہا تو پیارے آقا صَلَّی اللہ عَلَیْہِ وَ آلِہٖ وَ سَلَّمکا دیدار بھی عطا ہو گا ۔اللہ پاک عمل کی توفیق عطا فرمائے ۔ اٰمِیْن بِجَاہِ خَاتَمِ النَّبِیّٖن صَلَّی اللہ عَلَیْہِ وَ آلِہٖ وَ سَلَّم ۔

[1]...تفسیر صراط الجنان، پارہ:2، سورۂ بقرہ، تحت الآیۃ:248، جلد:1، صفحہ: 373، بتغیر۔

Important

Mobile Apps

Contact Us