دعائے امیرِ اَہلِ سُنّت

Al Quran Books Madani Channel

Magazine Courses Media

ایک مرتبہ مجھے ایک پھوڑا نکل آیا، نہ جانے کیسا پھوڑا تھا، ٹھیک ہونے کو ہی نہیں آتا تھا، بہت ڈاکٹرز کو دکھایا مگر کسی کی سمجھ میں نہیں آتا تھا کہ یہ کیا ہے؟ جب سمجھ نہ آتا تو عِلاج بھی نہ ہو پاتا۔ میں بہت تکلیف میں تھا۔ ایک دِن اچانک مجھے نقشِ نعلِ پاک کی برکات یاد آئیں۔ چنانچہ میں نے نقشِ نعلِ پاک اپنے زَخْم پر رکھا اور اللہ پاک کی بارگاہ میں دُعا کی: اے اللہ پاک! وہ مَحْبُوب صَلَّی اللہ عَلَیْہِ وَ آلِہٖ وَ سَلَّم ! جن کے نعلِ پاک کا یہ نقش ہے، ان کے صدقے مجھے شفا عطا فرما۔ اَلحمدُ للہ! نقشِ نعلِ پاک کی برکت سے اُس لاعِلاج پھوڑے سے مجھے نجات مل گئی۔

جہاز بچ گیا

علّامہ تِلْمِسَانی رَحمۃُ اللہ عَلَیْہ جنہوں نے نَعْلَیْن شریف کے فضائل پر کتاب لکھی ہے، آپ اپنا واقعہ لکھتے ہیں، فرماتے ہیں:1027 ہجری کی بات ہے، میں بحری جہاز پر سفر کر رہا تھا، راستے میں ایک جگہ سمندر بہت طغیانی پر تھا، سیلاب کے تیز ریلے سے ہمارے جہاز کے کئی تختے بھی ٹُوٹ گئے۔ اب بَس موت آنکھوں کے سامنے نظر آ رہی تھی، جتنے سمندری سفر کے تجربہ کا لوگ تھے، سب نے اُمِّید چھوڑ دی کہ اب ہمیں موت سے کوئی نہیں بچا سکتا۔ فرماتے ہیں: اس وقت میرے پاس نقشِ نعلِ پاک موجود تھا، میں نے وہ نقش مبارَک جہاز کے کپتان کے پاس بھیجا اور کہا: اسے پاس رکھ کر جہاز چلاتے جائیے!

اَلحمدُ للہ! نقشِ پاک کی برکت فوراً ظاہِر ہوئی اور ہمارا جہاز اُن سیلابی ریلوں سے بحفاظت گزر گیا۔ ^{(^[1])}

ہو دفع بلا، مرضوں کو شفاء اور فتح و نصرت بَرْاَعْدَا

یہ اُس کا اثر، یہ فیض اُس کا یہ اُس کی برکت کیا کہنا

[1]... فتح المتعال فی مدح النعال ، الباب الرابع خواص و منافع ...الخ، صفحہ: 472 ۔

Important

Mobile Apps

Contact Us