دعائے امیرِ اَہلِ سُنّت

Al Quran Books Madani Channel

Magazine Courses Media

هڪ دفعي هن هڪ خواب ڏٺو، جنهن کان هو تمام گهڻو ڊڄي ويو، تمام عجيب قسم جو خواب هو. تنهنڪري هن وڏن وڏن مُعَبِّرِین (يعني تعبير ٻڌائڻ وارن) کي گهرايو ۽ کين چيو ته مون هڪ خواب ڏٺو آهي، توهان اُن جي تعبير ٻڌايو.!!

مُعَبِّرِین چيو: ٺيڪ آهي...!! خواب ٻڌايو! هن چيو ته نه...!! مان خواب نه ٻڌائيندس. مون ڇا ڏٺو آهي، اهو به توهان ٻڌائيندؤ ۽ تعبير به توهان ٻڌائيندؤ، توهان کي 3 ڏينهن جي مهلت آهي، جيڪڏهن تعبير ٻڌائي سگهيا ته ٺيڪ، نه ته توهان جا سِرَ قلم ڪيا ويندا.

وڏي پريشاني ٿي وئي، سُتو بادشاهه هو، خواب هن ڏٺو هو، مُعَبِّرِین کي ڪهڙي خبر ته هن ڇا ڏٺو آهي پر بادشاهه ته پوءِ بادشاهه هوندو آهي، هن جي اڳيان ڪنهن جي ٿِي هلي سگهي. مُعَبِّرِین پريشان ٿي ويا ته اڄ ته ڪم لهي ويا.

جڏهن اِها خبر الله پاڪ جي نبي حضرت دانيال عليه السَّلام کي پئي ته پاڻ فرمايائون: مان ان جي خواب جي تعبير ٻڌائيندس.

هاڻي ڏسو! خواب اها شيءِ آهي، جيڪو سُمهڻ وارو آهي، اهو ئي ڏسندو آهي، ماڻهو سُمهڻ واري جي مٿان ويٺو هجي تڏهن به نه ڄاڻي سگهندو آهي ته ننڊ پيل ماڻهو خواب ۾ ڇا ڏسي رهيو آهي. پر انبياءِ ڪِرام عليهم السلام جو شان نِرالو آهي، الله پاڪ انهن کي صرف ديوار جي پويان جو نه، پر ننڊ پيل اک جي پويان... يعني عالَمِ خواب جو به علم عطا فرمائي ڇڏيندو آهي. سُبْحٰنَ الله!

خير! حضرت دانيال عليه السَّلام بُخت نَصَّر جي درٻار ۾ تشريف کڻي آيا ۽ کيس فرمايائون: اي بادشاهه ...!! تنهنجي خواب جي تعبير مان ٻڌائيندس. بادشاهه چيو: توهان کي شرط معلوم آهي؟ خواب به توهان کي ٻڌائڻو آهي ۽

Important

Mobile Apps

Contact Us