دعائے امیرِ اَہلِ سُنّت

Al Quran Books Madani Channel

Magazine Courses Media

سوچڻ جي ڳالهه آهي ته سيده آمنه رَضِیَ اللہُ عنها جو گهر مبارڪ مڪي پاڪ ۾، ڪعبي شريف جي ويجهو هو ۽ شام مُلڪ مڪي پاڪ کان تقريباً 2 هزار ڪلوميٽر جي فاصلي تي آهي، وچ ۾ وڏيون وڏيون عمارتون (Places) به آهن، وڏا وڏا جبل به آهن، هي ڪهڙو باڪمال نُورُ هو، جيڪو چمڪيو ته مڪي پاڪ ۾ آهي پر اُن پاڪ نُورَ جي روشني عمارتن کي پار (Cross)ڪري، پهاڙن کي چِيرِيندي ملڪِ شام تائين وڃي پهتي آهي ۽ سيده آمنه رَضِیَ اللہُ عنها اُن پاڪ نُورَ جي برڪت سان شام جا مَحلات ڏسي رهيون آهن. معلوم ٿيو ته نورِ مصطفيٰ صَلَّی اللہُ عَلَیْہِ وَ آلِہٖ وَ سَلَّم اُهو نور آهي جيڪو اونداهين کي چمڪائيندو آهي ۽ اکين کي اهڙي روشني بخشيندو آهي جو نظر هزارين ڪلوميٽرن تائين وڃي پهچندي آهي.

نُورَ جي خيرات ورهائڻ وارا

الله پاڪ جا آخري نبي، مڪي مدني صَلَّی اللہُ عَلَیْہِ وَ آلِہٖ وَ سَلَّم نُور، بلڪه قاسِمِ نور (يعني نور ورهائڻ وارا) آهن. صحابيِءِ رسول حضرت ڪعب بن زُهير رَضِیَ اللہُ عنہ فرمائن ٿا: اِنَّ الرَّسُوْلَ لَنُوْرٌ يُسْتَضَاءُ بِہٖ بيشڪ رسول الله صَلَّی اللہُ عَلَیْہِ وَ آلِہٖ وَ سَلَّم اهڙا نُورَ آهن جن کان روشني حاصل ڪئي ويندي آهي.^{(^[1])}

حضرت اُسيد بن ابو اَيَّاس رَضِیَ اللہُ عنہ فرمائن ٿا: نور واري آقا، رسولِ خدا، احمدِ مجتبيٰ صَلَّی اللہُ عَلَیْہِ وَ آلِہٖ وَ سَلَّم هڪ دفعي منهنجي چهري ۽ سيني تي پنهنجو پُرنور هٿ شريف ڦيريو، ان جي برڪت اِها ظاهر ٿي جو مان جڏهن به ڪنهن اونداهي گهر ۾ داخل ٿيندو هئس ته اهو گهر روشن ٿي ويندو هو. ^{(^[2])}

[1]... سیرۃ ابن ہشام، قصیدۃ کعب زھیر فی مدح...الخ، جلد:2، جز:4، صفحہ:101۔

[2]...کنز العمال،کتاب الفضائل ،فضائل الصحابہ،جز:13 ،جلد:7،صفحہ:123،حدیث:36819ملتقطًا۔

Important

Mobile Apps

Contact Us