دعائے امیرِ اَہلِ سُنّت

Al Quran Books Madani Channel

Magazine Courses Media

د عقيدۀ تَوحِيد عملي تقاضې

خوږو او محترمو اِسلامي وروڼو! د عقيدۀ تَوحِيد دا يو څو دليلونه ما ستاسو مخې ته اېښودي دي۔ پۀ دې باندې نور هم ډېر دليلونه موجود دي، پخپله زمونږ ذات د دې خبرې دليل دے چې الله پاک موجود دے۔ خېر! اوس ستاسو مخې ته زۀ د تَوحِيد د عقېدې څۀ عملې تقاضې اېښودل غواړم۔ شاعِرِ مشرق وئيلي وو:

خُودِی کا سِرِّ نِہَاں لَا اِلٰہَ اِلَّا اللہ^{(^[1])}

يعنې د اِنسان پټ صلاحيتونه بهر راوېستل او هغه د ترقۍ بام ته رَسوونکے څيز لَا اِلٰہَ اِلَّا اللہ ده۔

داسې ووايئ چې د تَوحِيد عقيده صرف يوه عقيده نۀ ده بلکې دا يو پوره نصاب دے، دا يو پټ طاقت دے * کوم چې اِنسان ته د اِنسانيت حدونه ښائي * دا عقيده اِنسان ته اِنسان جوړېدل ښائي * دا عقيده اِنسان د ترقۍ او د کاميابۍ هٰغه اعلیٰ مقاماتو ته رسوي چې د دې عقېدې نه بغېر هٰغه مقاماتو ته د رسېدو سوچ هم نشي کېدے۔ خو دا به څنګه کيږي؟ اَلْحَمْدُ لِلّٰہ! د الله پاک فضل دے چې مونږ هم د ماشومتوب نه پۀ پېدائشي توګه مُوَحِّد (يعنې الله پاک يو منونکي) يو۔ خو ياد ساتئ چې يو تَوحِيد عملي هم وي، يعنې د تَوحِيد عقيده خو اِختيار کړے شوه، مسلمانان هم شو، اوس دا عقيده پۀ خپل عملي ژوند کښې هم راوستل دي۔ دا به مونږه څنګه راولو، د دې څۀ طريقې زۀ يې ستاسو مخې ته ږدم:

[1]...کلیاتِ اقبال، ضرب کلیم، صفحہ:527۔

Important

Mobile Apps

Contact Us