دعائے امیرِ اَہلِ سُنّت

الله پاڪ اسان کي نفساني خواهشن جي پيروي کان بچڻ ۽ قرآن ۽ حديث جي حڪمن تي عمل ڪرڻ جي توفيق عطا فرمائي. اٰمِیْنْ بِجَاہِ خاتَمِ النَّبِیّٖن صلَّی اللہُ عَلَیْہ ِوَاٰلِہٖ وَسَلَّمَ

ٽِين تقاضا: الله پاڪ جي رِضا ۾ راضي رهڻ

پيارا اسلامي ڀائرو! حضور داتا گنج بخش علي هجويري رَحمَةُ اللهِ عَلَيْهِ جي ارشادات جو خلاصو آهي: فرمائن ٿا ته: (عملي) توحيد اِها آهي ته ٻانهو الله پاڪ جي مرضيءَ آڏو ائين ٿي وڃي، جيئن مئل ماڻهو غسال (غسل ڏيڻ واري) جي هٿ ۾ هوندو آهي.^{^[1]} يعني ماڻهو اهڙي بندگي اختيار ڪري، جو الله پاڪ جي ڪنهن به فيصلي تي سندس دل ۾ ذري برابر به اعتراض پيدا نه ٿئي.

ٻانهو ڪنهن کي چوندا آهن

اڳئين زماني ۾ غلام باقاعدي بازارن ۾ وڪامندا هئا، هڪ ڀيري حضرت ابراهيم بن ادهم رَحمَةُ اللهِ عَلَيْهِ کي هڪ غلام جي ضرورت پيش آئي، پاڻ بازار تشريف وٺي ويا، هڪ غلام خريد ڪيائون ۽ گهر وٺي آيا، پاڻ ان غلام کان پڇيائون: تنهنجو نالو ڇا آهي؟ غلام وراڻيو: جنهن نالي سان اوهان سڏيندؤ، اهوئي منهنجو نالو هوندو، پاڻ کانئس پڇيائون: تون ڪهڙي شيءِ کائڻ جو عادي آهين؟ غلام جواب ڏنو: جيڪو اوهان کارائيندؤ، اُهو کائيندس، پوءِ پڇيائون: تنهنجي ڪا خواهش هجي ته ٻڌاءِ، غلام عرض ڪيو: جيڪا اوهان جي خواهش آهي، اُها ئي منهنجي خواهش آهي، مان ته غلام آهيان ۽ غلام کي انهن ڳالهين سان واسطو نه هوندو آهي. اِهو ٻڌي حضرت ابراهيم بن ادهم رَحمَةُ اللهِ عَلَيْهِ سوچڻ لڳا: ڪاش! مان به الله پاڪ جو اهڙو ئي اطاعت گذار هجان ها

[1] کشف المحجوب، کشف الحجاب الثانی فی التوحید، صفحہ:336و 337 خلاصۃً۔

Important

Mobile Apps

Contact Us