دعائے امیرِ اَہلِ سُنّت

سادا ۽ آسان دليل بيان ڪيا ويا آهن، جو ڀلي ڪو اڻ پڙهيل ماڻهو هجي يا ڪو وڏو فلاسافر، سڀئي هڪ زبان ٿي چوندا ته:

کوئی تو ہے جو نظامِ ہستی چلا رہا ہے، وہی خدا ہے

الله پاڪ فرمايو:

قُلْ اَرَءَیْتُمْ اِنْ جَعَلَ اللّٰهُ عَلَیْكُمُ الَّیْلَ سَرْمَدًا اِلٰى یَوْمِ الْقِیٰمَةِ مَنْ اِلٰهٌ غَیْرُ اللّٰهِ یَاْتِیْكُمْ بِضِیَآءٍؕ-اَفَلَا تَسْمَعُوْنَ(۷۱) (پارو: 20، سورة قصص: 71)

ترجموڪنزالعرفان:اوهان فرمايو: ڀلا ڏسو ته جيڪڏهن الله توهان تي قيامت تائين هميشه رات ئي بڻائي رکي پوءِ الله کان سواءِ ڪهڙو ٻيو خدا آهي جيڪو توهان وٽ روشني آڻيندو ته ڇا توهان ٻڌو نه ٿا.

ڪيترو نه واضح دليل آهي! اڄ سائنس جيتري به ترقي ڪري چڪي آهي، اها اسان جي سامهون آهي. تنهن هوندي به دنيا ۾ ڪيترائي اهڙا ملڪ آهن، جتي 6 مهينا رات هوندي آهي ۽ اهڙا به ملڪ آهن، جتي 3 مهينا لڳاتار رات هوندي آهي، سج اڀرندو ئي نه آهي، هاڻي توهان ٻڌايو! سائنس ۽ ٽيڪنالاجي چاهي ڪيتري به ترقي ڪري وٺي، ڇا اهڙي ڪا صورت پيدا ڪري سگهي ٿي ته انهن ملڪن ۾ روزانو سج اڀاري سگهي؟ هرگز نه ٿي ڪري سگهي. تنهنڪري الله پاڪ ارشاد فرمايو: جن ملڪن ۾ اسان 3 مهينا رات رکي ڇڏي آهي، توهان ته انهن 3 مهينن جي رات ۾ سج به نه ٿا اڀاري سگهو، ته پوءِ سوچيو! جيڪڏهن اسان قيامت تائين صرف رات ئي رات قائم ڪري ڇڏيون ۽ ڏينهن ئي نه ڪريون، ته پوءِ ڪير آهي، جيڪو توهان جي لاءِ ڏينهن ڪندو؟ ڇا الله پاڪ کان سواءِ به ڪو خدا آهي؟ يقيناً نه آهي.

Important

Mobile Apps

Contact Us