دعائے امیرِ اَہلِ سُنّت

Al Quran Books Madani Channel

Magazine Courses Media

وه نۀ خوړو نو د عبادت ګزارۍ ډرامه يـې جوړه کړه او جال ته يـې وګورئ چې څنګه يـې اچوي: بَرصِيصَا! که لوئي او ډېر ماهره عبادت ګزاره جوړېدل غواړې نو ګناه اوکړه۔۔۔!!

دلته د شېطان پۀ دې باطِله تهيورۍ (Erroneous theory) باندې ځان پوهه کړئ! هغۀ دا وئيل غوښتل چې بَرصِيصَا! د ګناه اَنجام به دا وي چې تا ته به د الله پاک نه د وېرې او خَشِیَّت او د نېکۍ توفيق نصيب شي۔ خو ياد ساتئ چې دا تهيوري د سره نه غلطه ده۔ دا خبره پۀ ذِهن کښې کښېنوئ چې دلته هم شېطان خلقو ته دا وسوسې وراچوي چې اوس ګناه اوکړه بيا به وروستو نېکۍ شروع کړې، څومره داسې خلق دي کوم چې وائي: مونږ به د سبا نه نـمونځ شروع کوو۔ يعنې نن به نـمونځ قضا کړم، ګناه به اوکړم، د دې پۀ نتېجه کښې به سبا ما ته د نـمونځ کولو توفيق نصيب شي، حالانکې داسې نۀ کيږي د ګناه اَنجام نېکي نۀ وي، هلاکت وي۔ الله پاک پۀ قرآنِ کريم کښې فرمائي:

فَاَهْلَكْنٰهُمْ بِذُنُوْبِهِمْ (پارہ:7، سورۂ انعام:6)

ترجمهٴ کنزُ العِرفان: بيا مو د هغوئي د ګناهونو پۀ وجه هغوئي هلاک کړل۔

يعنې مخکښې چې څومره قومونه هلاک شول، هغوئي هلاکت ته رسوونکے څيز ګناه وه۔ معلومه شوه چې داسي نۀ کيږي چې څوک به ګناه کوي نو پۀ نتېجه کښې به د هغۀ د عبادت توفيق نصيب کيږي بلکې د ګناه اَنجام هلاکت وي۔ چا ډېره ښکلې خبره کړې وه: د ګناه مثال داسې دے لکه چې اِنسان د غر نه ښکته راکوزيږي، يعنې د غر نه ښکته د راکوزېدو پۀ وخت چې يو قدم واخلې نو دوېم پخپله اخستے کيږي، داسې چې اِنسان يوه ګناه اوکړي نو نفسِ اَمَّاره [يعنې پۀ ګناهونو باندې راپاروونکے نفس] او شېطان يې د نورو ګناهونو طرف ته بوځي۔ هم دا د هٰغه شېطان سازش وو کوم چې دغه خبيث د بَرصِيصَا سره اوکړو، وه يـې وئيل: بَرصِيصَا! که ښۀ او ماهره عبادت ګزار جوړېدل غواړې نو ګناه اوکړه۔۔۔!!

Important

Mobile Apps

Contact Us