نـمونځونو کولو د پاره د کورونو نه ووځي، جومات ته ځي، نـمونځونه هم کوي خو پته نۀ لګي چې پۀ نـمونځ کښې ورته څۀ ورياديږي چې پۀ نـمونځ کښې تادي شروع کړي، د تادۍ پۀ وجه نۀ رکوع پوره کوي او نۀ سجده پوره کوي، نۀ قومه مکمل کړي، نۀ پۀ جلسه کښې صحيح کښېني، بس په يو څو منټو سيکنډو کښې 17 رکعتونه اوکړي او راځي۔

يعنې کړے نـمونځ هم د نۀ کړي نـمونځ پۀ شان اوکړي * داسې پۀ اودس کولو کښې هم تادي کوي * د تِلاوت پۀ وخت يې هم شېطان پۀ تادۍ کښې مبتلا کوي او د نېکو نه يې محرومه کوي۔ غرض دا چې تادي هم د شېطان بد ترېنه جال دے، مونږ له د دې نه هم بچ کېدل پکار دي۔  

د شېطان نه د بچ کېدو روحاني عِلاجونه

خوږو او محترمو اِسلامي وروڼو! دا د شېطان د يو څو جالونو پۀ باره کښې مونږه واورېدل * شېطان خبيث د حِرص او د حَسَد پۀ ذريعه خلق دوکه کوي * پۀ تادۍ کښې يـې اخته کوي * د ګناهونو نه توجه لرې کوي او د توبې پۀ لاره کښې خنډان [يعنې رکاوټونه] پېدا کوي۔ ځکه مونږ له د دۀ د ټولو جالونو نه بچ کېدل او پۀ نېکو کښې مصروفه کېدل پکار دي۔ پۀ اخره کښې راځئ چې د شېطان نه د بچ کېدو د پاره يو څو روحاني عِلاجونه واورو: کله چې شېطان زړۀ ته وسوسه واچوي نو (1): اَعُوْذُ بِاللہ مِنَ الشَّیْطٰنِ الرَّجِیْم لولئ! (2): لَاحَوْلَ وَلَاقُوَّۃَاِلَّا بِاللہ لولئ! (3): د سُوْرَۃُ النَّاس تِلاوت کوئ ! (4): اٰمَنْتُ بِاللہ  وَرَسُوْلِہٖ لولئ! (5): هُوَ الْاَوَّلُ وَ الْاٰخِرُ وَ الظَّاهِرُ وَ الْبَاطِنُۚ-وَ هُوَ بِكُلِّ شَیْءٍ عَلِیْمٌ(۳) (پارہ: 27، الحدید: 3)لولئ!  (6):  سُبْحٰنَ الْمَلِکِ الْخَلَّاقِ، اِنْ یَّشَاْ یُذْهِبْكُمْ وَ یَاْتِ بِخَلْقٍ جَدِیْدٍۙ(۱۹) وَّ مَا ذٰلِكَ عَلَى اللّٰهِ بِعَزِیْزٍ(۲۰) (پارہ: 13 ابراہیم:  19-20)  لولئ! (7): سحر او ماښام 21، 21 کرته  لَا حَوْل شریف پۀ اوبو باندې دَم کوئ او څښئ يـې! اِنْ شَآءَ اللہُ الْکَرِیم! د شېطاني وسوسو او د هغۀ د چلونو نه به مو حفاظت نصيب شي۔

   صَـــلُّـــوْا  عَـــلَـی   الْــحَـــبِــيْــب!            صَـلَّـی اللهُ   تَعالٰـی عَلـٰی   مُـحَـمَّد