دعائے امیرِ اَہلِ سُنّت

بيان ٻڌڻ جون نيتون

حديث پاڪ ۾ آهي: اِنَّمَا الْاَعْمَالُ بِالنِّیَّات عملن جو دارومدار نيتن تي آهي.^{(^[1])}

اي عاشقانِ رسول! سٺين سٺين نيتن سان عمل جو ثواب وڌي ويندو آهي، اچو ته بيان ٻڌڻ کان پهريان سٺيون سٺيون نيتون ڪري وٺون ٿا. نيت ڪيو ته ! * الله جي رضا جي لاءِ بيان ٻڌندس * بااَدَب ويهندس* خوب توجهه سان بيان ٻڌندس * جيڪو ٻڌندس ان کي ياد رکڻ، پاڻ عمل ڪرڻ ۽ ٻين تائين پهچائڻ جي ڪوشش ڪندس.

صَلُّوْا عَلَی الْحَبِیْب! صَلَّی اللہُ عَلٰی مُحَمَّد

2 سؤ سالن جي عبادت گذاري

ڪتابن ۾ لکيل آهي ته بَرصِيصا نالي هڪ عبادت گذار شخص هو. الله پاڪ کيس ڊگهي عمر عطا فرمائي هئي ۽ هو ماڻهن کان الڳ ٿي فقط الله پاڪ جي عبادت ۾ مشغول رهندو هو. هن ٻه سؤ (200) سال اهڙي طرح گذاريا، جو هڪ پل لاءِ به ڪو گناهه نه ڪيائين.

توهان ٿورو استقامت جو اندازو لڳايو! ٻه سؤ سال...!! اسان وٽ عام طرح ايوريج (Average) عُمر 60 کان 70 سال هوندي آهي ۽ هِن مختصر زندگيءَ ۾ اسان کان ٻه، چار، ڏهه، ٻارهن نه، پر روزانو جي بنياد تي شايد سوين گناهه ٿي ويندا هوندا. پر ان شخص جي استقامت ڏسو! هُن ٻه سؤ سال يعني پوريون ٻه صديون بغير ڪو گناهه ڪرڻ جي، فقط عبادت ئي عبادت ڪندي گذاري ڇڏيون.

[1]...بخاری، کِتَاب بَدءُ الْوَحی، صفحہ:65، حدیث:1۔

Important

Mobile Apps

Contact Us