دعائے امیرِ اَہلِ سُنّت

ڇا ٿو ڪري سگهي، انسان جي وَسَ ۾ ڇا آهي، جيڪو الله پاڪ لکي ڇڏيو آهي، اهو ئي ٿيڻو آهي.

مان هن ڳالهه جو انڪار نه ٿو ڪري سگهان ۽ نه ئي ڪندس، اَلحمدُ لِلّٰہ! اسان مسلمان آهيون، اسان جو سچو، پڪو عقيدو آهي ته:

وَ الْقَدْرِ خَیْرِہٖ و َ شَرِّہٖ مِنَ اللہِ تَعَالٰی

يعني هر سٺي ۽ خراب تقدير الله پاڪ جي طرفان آهي.

پر اسان کي مُڪافاتِ عمل (عملن جي نتيجي) کان به غافل نه ٿيڻ گهرجي. بيشڪ اسان جا عمل نتيجو ڏيندا آهن. توهان قرآن ڪريم پڙهو! الله پاڪ ارشاد فرمائي ٿو:

وَ مَا ظَلَمَهُمُ اللّٰهُ وَ لٰكِنْ اَنْفُسَهُمْ یَظْلِمُوْنَ(۱۱۷) (پارو: 4، سورة آل عمران: 117)

ترجموڪنزالعرفان: ۽ الله انهن تي ظلم ناهي ڪيو بلڪه اهي پاڻ پنهنجين جانين تي ظلم ڪن ٿا

يعني جيڪي ناڪامي ۽ تباهي جو شڪار ٿيا، انهن تي الله پاڪ ڪو ظلم نه ڪيو، ربُّ رحمٰن ۽ رحيم ته ڪنهن جي محنت کي ضايع نه فرمائيندو آهي، اصل ۾ ماڻهن پاڻ پنهنجين جانين تي ظلم ڪيا، پاڻ گناهه ڪمايائون، پاڻ ئي ڪاميابيءَ جون شرطون پوريون نه ڪيائون، تنهنڪري نتيجو ناڪامي ۽ تباهي نڪتو.

هڪ جاءِ تي الله پاڪ فرمايو:

وَ لَكُمْ مَّا كَسَبْتُمْۚ- (پارو: 1، سورة بقرة: 134)

ترجموڪنزالعرفان: ۽ توهان جا عمل توهان جي لاءِ آهن

Important

Mobile Apps

Contact Us