دعائے امیرِ اَہلِ سُنّت

انسان کی موت اسی حالت پر آتی ہے، جس پر زِندگی گزارتا ہے اور روزِ قیامت اسی حال میں اُٹھایا جائے گا جس پر موت آئی ہو گی۔^{(^[1])}

اللہ پاک جس سے بھلائی کا ارادہ فرما لے

حضرت اَنَس بن مالِک رَضِیَ اللہ عنہ سے روایت ہے، رسولِ ذیشان، مکی مدنی سلطان صَلَّی اللہ عَلَیْہِ وَ آلِہٖ وَسَلَّم نے فرمایا:

اِنَّ الله اِذَا اَرَادَ بِعَبْدٍ خَيْرًا اِسْتَعمَلَهُ

ترجمہ: اللہ پاک جب اپنے بندے کے ساتھ بھلائی کا اِرادہ فرماتا ہے تو اسے کام پر لگا دیتا ہے

پوچھا گیا: یارسولَ اللہ صَلَّی اللہ عَلَیْہِ وَ آلِہٖ وَسَلَّم! اسے کیسے کام پر لگاتا ہے؟ فرمایا:

يُوَفِّقُهُ لِعَمَلٍ صَالحٍ قَبْلَ الْمَوْتِ

اس کو موت سے پہلے نیک کاموں کی توفیق عطا فرما دیتا ہے۔ ^{(^[2])}

جنّت میں جانے کا آسان نسخہ

پیارے اسلامی بھائیو! ایک مرتبہ پیارے آقا، مکی مَدَنی مصطفےٰ صَلَّی اللہ عَلَیْہِ وَ آلِہٖ وَسَلَّم نے صحابۂ کرام علیہم الرّضوان سے فرمایا:

اَكُلُّكُمْ يُحِبُّ اَنْ يَّدْخُلَ الْجَنَّةَ؟

کیا تم سب جنّت میں جانا چاہتے ہو؟

عرض کیا: جی ہاں! یارسولَ اللہ صَلَّی اللہ عَلَیْہِ وَ آلِہٖ وَسَلَّم! ہم جنّت میں جانا چاہتےہیں۔

[1]...احیاء العلوم والدین، کتاب اسرار الصلاۃ ، الباب الثالث، جلد:1، صفحہ:218۔

[2]...ترمذی، کتاب القدر، باب ما جاء ان اللہ کتب ...الخ، صفحہ:517، حدیث:2142۔

Important