دعائے امیرِ اَہلِ سُنّت

Al Quran Books Madani Channel

Magazine Courses Media

کیا ہم خُود کو یاد رکھے ہوئے ہیں...؟

اب یہاں وہ لوگ غور کریں؛ *جو نماز نہیں پڑھتے *جو نیکیاں نہیں کرتے *اللہ پاک کو یاد نہیں کرتے *افسوس! ہمارے مُعَاشرے میں ایسے بھی لوگ ہیں جو سال میں صِرْف 2نمازیں یعنی عیدُ الْفِطْر اور عیدُ الْاَضْحٰی کی ہی نماز پڑھتے ہیں، اس کے عِلاوہ کبھی مسجد کا رُخ ہی نہیں کرتے *بعض ایسے بھی ہیں، جو یہ 2نمازیں بھی نہیں پڑھتے *ایسے بھی ہیں جنہیں دِن بھر خُدا کا نام لینے کی توفیق ہی نہیں ملتی، صبح نماز قضا کر کے اُٹھتے ہیں، رات کو فلمیں دیکھتے سو جاتے ہیں *گالیاں، گندی باتیں، ان کے مُنہ پر سجی ہوتی ہیں، ہاں! خُدا کا نام ہے جو انہیں یاد ہی نہیں آتا *کتنے ہیں جو دُنیاوِی مُعامَلات میں کھوئے ہوئے ہیں *پہلے ایک کاروبار تھا، اب دوسرا بھی بنا لیا، مَصْروفیت اور بڑھ گئی *پِھر 3شاخیں کھول لِیں مصروفیت اور بڑھ گئی، ہر طرف سے مال ہی مال آ رہا ہے اور بندہ اس کے اندر دھنستا چلا جا رہا ہے *کتنے ہیں جنہیں مال و دولت اور دُنیاوِی عہدے اور مَنْصَبْ کی طلب ہی راتوں کو سونے نہیں دیتی، کاش! مجھے گاڑی مل جائے، کاش! میرے پاس بھی بڑا سا بنگلہ ہو، کاش! مجھے فُلاں نَوکری مِل جائے تو امیر ہو جاؤں، بَس انہیں فِکروں میں ہیں؛

صُبح ہوتی ہے شام ہوتی ہے عُمْر یُونہی تمام ہوتی ہے

ان چکروں میں پڑ کر *کتنی نمازیں قضا ہوئیں، یاد ہی نہیں ہے *کتنے روزے چھوٹے مَعْلُوْم ہی نہیں ہے *کہاں کہاں رِشْوتیں دے کر گُنَاہوں میں گرفتار ہو رہے ہیں، احساس ہی نہیں ہے *کتنے جُھوٹ بَول چکے ہیں *سُود کی آفت میں پھنس رہے ہیں *دوسروں کو دھوکا دے کر اپنے لیے جہنّم کما رہے ہیں، ان باتوں کی طرف تَوَجُّہ ہی نہیں

Important

Mobile Apps

Contact Us