دعائے امیرِ اَہلِ سُنّت

Al Quran Books Madani Channel

Magazine Courses Media

اڄ ڪهڙو گهر آهي جتي جهيڙا نه آهن، ڀاءُ ڀاءُ جو دشمن آهي، ڪنهن جي چاچي سان نٿي ٺهي، ڪو وڏي چاچي کان ناراض آهي، ڪنهن کي پُڦي کان نفرت آهي، ڪو مامي کان بيزار آهي * طاقتور جو ڪمزورن تي زور هلائڻ، ڊيڄارڻ، ڌمڪائڻ، ڪمزورن جو حق کائي وڃڻ، دورِ جاهليت جي اونداهي آهي، اسان جي معاشري ۾ ڪهڙي حد تائين ڇانيل آهي، سڀني کي اندازو هوندو * گانا، باجا، ميوزڪ (Music) وغيره جاهليت جون اونداهيون آهن، اسان جي معاشري ۾ هي برائي ايڏي عام ٿي وئي آهي جو ڪڏهن ڪڏهن مسجدن ۾ به ميوزيڪل ٽونز (Musical Tunes) وڄندي ٻڌڻ ۾ اچن ٿيون * بي حيائي وارا شعر لکڻ، پڙهڻ، ڳائڻ دورِ جاهليت ۾ عام هو، اسان جي معاشري ۾ به عام آهي، ڪجهه شاعر ماڻهو اهڙا اهڙا بي هودا شعر لکن ٿا، ڀري مجمعي ۾ ٻڌائين ٿا، يوٽيوب، فيس بڪ وغيره تي انهن جون وڊيوز (Videos) چاڙين ٿا، اهڙا بي حيائي وارا شعر...! ڪو باحيا ٻڌي ته ڪنن کي هٿ لائي، هي به جاهليت جي اونداهي آهي * سيٽيون وڄائڻ، تاڙيون وڄائڻ دورِ جاهليت جو رواج آهي، اڄ اسان جي ڪهڙي محفل آهي، جيڪا تاڙين کان خالي هوندي آهي؟ * جوا کيڏڻ دورِ جاهليت وارو انداز آهي، الله پاڪ جي پناهه! اسان جي ملڪ ۾ ڪيترا جوا جا اڏا آهن، ڪيترا ماڻهو جوا جي چڪر ۾ پنهنجا گهر برباد ڪري ڇڏيا آهن * نسلي تعصب، پنهنجي پيءُ ڏاڏن تي فخر ڪرڻ دورِ جاهليت جي اونداهي آهي، اڄ ڪيترا ماڻهو آهن جيڪي نسل پرستي جي بنياد تي فساد پيدا ڪن ٿا * وياج دورِ جاهليت جي لعنت آهي، اڄ اسان جي معاشري ۾ به رائج آهي بلڪه وڌندي پئي وڃي * جادو ٽوڻا ڪرڻ دورِ جاهليت جي برائي آهي، اڄ گهر گهر ۾ جادو ٽوڻي جا مسئلا موجود آهن.

Important

Mobile Apps

Contact Us