دعائے امیرِ اَہلِ سُنّت

اي الله پاڪ هنن سان محبت فرماءِ

حضرت اُسامه بن زيد رَضِیَ اللہُ عنہ عظيم صحابيءِ رسول آهن، پياري آقا، مڪي مدني مصطفيٰ صَلَّی اللہُ عَلَیْہِ وَ آلِہٖ وَ سَلَّم جا محبوب ۽ پيارا هئا. حديثِ شريف ۾ آهي:

مَنْ كَانَ يُحِبُّ اللهَ وَ رسُوْلَهُ، فَلْيُحِبَّ اُسَامَةَ

ترجمو: يعني جيڪو الله ۽ رسول سان محبت ڪندو آهي، ان تي لازم آهي ته اُسامه سان محبت ڪري.^{^[1]}

اللہ کا مَحْبُوب بنے جو تمہیں چاہے اس کا تَو بیاں ہی نہیں کچھ تم جسے چاہو^{^[2]}

ترمذي شريف جيڪو حديثِ پاڪ جو تمام مشهور ڪتاب آهي، ان ۾ روايت آهي. حضرت اُسامه بن زيد رَضِیَ اللہُ عنہ فرمائن ٿا: هڪ ڀيري رات جو وقت هو، مون کي ڪا حاجت پيش آئي ۽ مان پنهنجي ان حاجت لاءِ پياري آقا، مڪي مدني مصطفيٰ صَلَّی اللہُ عَلَیْہِ وَ آلِہٖ وَ سَلَّم جي خدمت ۾ حاضر ٿيس. محبوبِ ذيشان، مڪي مدني سلطان صَلَّی اللہُ عَلَیْہِ وَ آلِہٖ وَ سَلَّم مون کي ملاقات جو شرف بخشڻ لاءِ ٻاهر تشريف کڻي آيا، منظر ڪجهه هن ريت هو ته:

وَهُوَ مُشْتَمِلٌ عَلَى شَيْءٍ لَا اَدْرِيۡ مَا هُوَ

ترجمو: پاڻ سڳورن صَلَّی اللہُ عَلَیْہِ وَ آلِہٖ وَ سَلَّم چادر مبارڪ ويڙهي رکي هئي ۽ ان چادر جي اندر ڪا شيءِ هئي، جيڪا پاڻ ڪريم صَلَّی اللہُ عَلَیْہِ وَ آلِہٖ وَ سَلَّم جي جسمِ پاڪ سان لپٽيل هئي. اها ڪهڙي شيءِ هئي؟ مون کي معلوم ناهي.

[1] مصنف ابن شیبہ، کتاب الفضائل، باب ما جاء فی اسامۃ ...الخ، جلد:7، صفحہ:532، حدیث:1۔

[2] ذوقِ نعت ، صفحہ:206۔

Important

Mobile Apps

Contact Us