دعائے امیرِ اَہلِ سُنّت

Al Quran Books Madani Channel

Magazine Courses Media

سینہ صَلَّی اللہ عَلَیْہِ وَ آلِہٖ وَ سَلَّم نے فرمایا: اَحِبُّوااللّٰہَ لِمَایَغْذُوْکُمْ مِنْ نِعَمِہِ یعنی اللہ پاک سے محبّت کرو کیونکہ وہ تمہیں نعمتیں عطا فرماتا ہے، واَحِبُّوْنِیْ بِحُبِّ اللّٰہِ اور اللہ پاک کی محبّت کے سبب مجھ سے محبّت کرو (کیونکہ میں حبیبُ اللہ ہوں) وَاَحِبُّوْااَہْلَ بَیْتِیْ لِحُبِّیْ اور میری محبّت کے سبب میرے اَہْلِ بیت سے محبّت رکھو۔^{(^[1])}

حُبِّ سادات اے خدا! دے واسِطہ اہلِ بیتِ پاک کا فریاد ہے^{(^[2])}

پیارے اسلامی بھائیو! معلوم ہوا؛ صحابۂ کرام اور اَہْلِ بیتِ پاک سے محبّت رکھنا عشق رسول کا نتیجہ ہے، بندۂ مؤمن کی پہچان یہ ہے کہ وہ اللہ پاک سے محبّت کرتا ہے اس کے دِل میں محبوبِ خُدا، احمدِ مجتبیٰ صَلَّی اللہ عَلَیْہِ وَ آلِہٖ وَ سَلَّم کی محبّت ہوتی ہے اور جس دِل میں محبّتِ رسول موجود ہے، اس کی پہچان یہ ہے کہ اسے صحابۂ کرام علیہمُ الرِّضْوَان سے بھی محبّت ہوتی ہے اور وہ اَہْلِ بیت پاک رَضِیَ اللہ عنہم سے بھی محبّت کرتا ہے۔ یہ سارے تعلق مِلانے کا نتیجہ یہ نکلا کہ صحابۂ کرام اور اَہْلِ بیتِ پاک کی محبّت مسلمان ہونے کی نشانی ہے۔

اَہْلِ سُنّت کا ہے بیڑا پار اَصْحابِ حضور نجم ہیں اور ناؤ ہے عترت رسول اللہ کی^{(^[3])}

وضاحت: یعنی ہم عاشقانِ رسول کا بیڑا اِنْ شَآءَ اللّٰهُ الْکَرِیْم! دُنیا ، قبر، قیامت، پُل صِراط ہر جگہ پار ہی پار ہے کیونکہ اللہ پاک کے فضل سے ہم ہدایت کے ستاروں یعنی صحابۂ کرام علیہمُ الرِّضْوَان سے بھی محبّت کرتے ہیں اور فتنوں کے طُوفان سے بچانے والی کشتی یعنی اَوْلادِ مصطفےٰ سے بھی محبّت کرتے ہیں۔

صَلُّوْا عَلَی الْحَبیب! صَلَّی اللہ عَلٰی مُحَمَّد

[1]... ترمذی ،ابواب المناقب عن رسول اللہ ، مناقب اہل بیت النبی،صفحہ:859،حدیث:3796 ۔

[2]...وسائلِ بخشش ،صفحہ:588۔

[3]...حدائقِ بخشش،صفحہ:153۔

Important

Mobile Apps

Contact Us