دعائے امیرِ اَہلِ سُنّت

آهي، پاڻ ان نوجوان کي واپس گهرايائون ۽ کيس پيار سان سمجهاڻي ڏيندي فرمايائون: یَا اِبْنَ اَخِی! اِرْفَعْ ثَوْبَکَ فَاِنَّہٗ اَنْقٰی لَثَوْبِکَ وَ اَتْقٰی لِرَبِّکَ اي ڀائٽيا! پنهنجو ڪپڙو مٿي ڪر (يعني ڀيڏين کان مٿي رک)، ائين تنهنجا ڪپڙا صاف رهندا ۽ تنهنجي رب وٽ تقويٰ ۽ پرهيزگاريءَ جو سبب بڻجندا.^{^[1]}

سُبْحٰنَ اللہ! پيارا اسلامي ڀائرو! توهان فاروقِ اعظم رَضِيَ اللهُ عَنه جو جذبو ڏسو! زخمي آهن، شديد تڪليف ۾ آهن، موت جي بستري تي آهن، ان جي باوجود نيڪيءَ جي دعوت عام فرمائي رهيا آهن.

اُمتِ مسلمه جي ذميواري

الله پاڪ قرآن ڪريم ۾ فرمائي ٿو:

كُنْتُمْ خَیْرَ اُمَّةٍ اُخْرِجَتْ لِلنَّاسِ تَاْمُرُوْنَ بِالْمَعْرُوْفِ وَ تَنْهَوْنَ عَنِ الْمُنْكَرِ (پارو: 4، سورة آل عمران: 110)

ترجمو ڪنزالعرفان: (اي مسلمانو!) توهان ڀلي امت آهيو جيڪا ماڻهن (جي هدايت) جي لاءِ ظاهر ڪئي وئي، توهان ڀلائي جو حڪم ڏيندا آهيو ۽ برائي کان منع ڪندا آهيو

مشهور مفسرِ قرآن، حڪيم الامت مفتي احمد يار خان نعيمي رَحمَةُ اللهِ عَلَيه فرمائن ٿا: سڀ مسلمان مبلغ آهن، سڀني تي فرض آهي ته ماڻهن کي نيڪ ڳالهين جو حڪم ڏين ۽ برين ڳالهين کان منع ڪن^{^[2]} اسان جي پياري آقا، مديني واري مصطفيٰ صَلَّی اللهُ عَلَيهِ وَآلِهٖ وَسَلَّم فرمايو: بَلِّغُوْا عَنِّیْ وَلَوْ اٰیَۃً يعني منهنجي

[1] ابن حبان، کتاب اخبارہ عن ...الخ، ذکر رضا المصطفیٰ عن عثمان...الخ، صفحہ:1844، حدیث:6917۔

[2] تفسیر نعیمی، پارہ:4، سورۂ اٰل عمران، زیرِ آیت:104، جلد:4، صفحہ:79۔

Important

Mobile Apps

Contact Us