دعائے امیرِ اَہلِ سُنّت

Al Quran Books Madani Channel

Magazine Courses Media

اے عاشقان ِ رسول! اچھّی اچھّی نیّتوں سے عمل کا ثواب بڑھ جاتا ہے۔ آئیے! بیان سننے سے پہلے کچھ اچھّی اچھّی نیّتیں کر لیتے ہیں، نیت کیجیے!*رضائے الٰہی کے لیے بیان سُنوں گا*بااَدَب بیٹھوں گا* خوب تَوَجُّہ سے بیان سُنوں گا*جو سُنوں گا، اُسے یاد رکھنے، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبِیْب! صَلَّی اللہ عَلٰی مُحَمَّد

پیارے اسلامی بھائیو! اَلحمدُ للہ! یادِ حضرت ابراہیم، یادِ حضرت اِسْماعیل علیہما السَّلام اور یادِ حضرت ہاجرہ رَحمۃُ اللہ علیہا کے مُبارَک و مقدَّس اَیَّام ہیں، یقیناً حج بھی یادِ حضرت ابراہیم علیہ السَّلام سے بھرپُور ہے *کعبہ شریف آپ اور آپ کے شہزادے (Prince)حضرت اسماعیل علیہ السَّلام نے تعمیر کیا *صَفَا، مَرْوَہ حضرت ہاجرہ رَحمۃُ اللہ علیہا کی یاد ہیں کہ آپ پانی کی تلاش میں یہاں دوڑی تھیں *مِنٰی میں حضرت اسماعیل علیہ السَّلام کی قربانی کا لازوال و بےمثال واقعہ پیش آیا۔ یُوں تقریباً حج کے تمام مناسک (Rituals)حضرت ابراہیم و حضرت اسماعیل علیہما السَّلام کی یاد ہیں *اِسی طرح قربانی بھی اِن دونوں انبیائے کرام علیہما السَّلام کی یاد ہے۔ جب آپ نے بیٹے کی بےمثال و لازوال قربانی پیش کی، جنّت سے مینڈھا (Ram)بھیج دیا گیا، تب اللہ پاک نے فرمایا:

وَ تَرَكْنَا عَلَیْهِ فِی الْاٰخِرِیْنَۖ(۱۰۸) سَلٰمٌ عَلٰۤى اِبْرٰهِیْمَ(۱۰۹) كَذٰلِكَ نَجْزِی الْمُحْسِنِیْنَ(۱۱۰)

(پارہ:23، سورۂ صافات:108-110)

تَرْجمۂ کَنْزُالعِرْفان:اور ہم نے بعد والوں میں اس کی تعریف باقی رکھی۔ ابراہیم پرسلام ہو۔ ہم نیکی کرنے والوں کوایسا ہی صلہ دیتے ہیں ۔

اَلحمدُ للہ! یہ حضرت ابراہیم علیہ السَّلام کی *اطاعتوں*بےمثال محبّتِ اِلٰہی*، جذبۂ اِیْثار و قربانی ہی کا صِلہ ہے کہ آپ کا ذِکْرِ خیر رہتی دُنیا تک کے لیے باقی رکھ دیا گیا ہے۔

Important

Mobile Apps

Contact Us