دعائے امیرِ اَہلِ سُنّت

ډاکټر د هغوئي معائينه کول، دوايانې وغيره ورله اخستل * د خپل وَس مطابق هغوئي له د جيب خرچې پۀ توګه پيسې ورکول چې هغوئي دا چرته غواړي وه يـې لګوي۔ غرض چې څومره کيدے شي پۀ هغوئي باندې خپل مال لګول، د هغوئي پۀ حقونو کښې شامِل دي۔ پۀ روايتونو کښې دي: يو کَس به خپل پلار له خرچه نۀ ورکوله، د هغۀ پلار دربارِ رسالت کښې عرض اوکړو۔ پۀ دې باندې د نبي کريم صلَّی اللہُ عَلَیْہ ِوَاٰلِہٖ وَسَلَّمَ پۀ مبارکو سترګو کښې اوښکې راغلې او د جلال پۀ حالت کښې يـې هٰغه کَس ته وفرمائيل: اَنْتَ وَ مَالُکَ لِاَبِیْکَ تۀ پخپله او ستا ټول مال هُم ستا د پلار دے۔ ^{(^[1])}

يقيناً چې مونږ دُنيا ته راغلي هم د هغوئي پۀ ذريعه يو، نن چې څۀ دي، هم د مور او پلار د محنت نتيجه ده، ځکه زمونږ چې څۀ دي، پۀ دې باندې د هغوئي حق دے،لهذا پکار دي چې څومره کيدے شي، پۀ هغوئي باندې خرچ کوئ۔

د مور او پلار نور حقونه

4: د مور او پلار خواهشات او ارمانونه پوره کول هم د هغوئي پۀ حقونو کښې دي۔ مثلاً * د هغوئي د خوښې خوراکونه هغوئي له راوړل * د خوښې څيزونه ورله راوړل * که مور او پلار حج کول غواړي، ځوي يـې وَس لري نو پۀ هغوئي باندې دې حج اوکړي * که مور او پلار مدينه مُنَوَّره ليدل غواړي، ځوي دې کوشش اوکړي او مدينه مُنَوَّره دې ورته وښائي، داسې چې څومره کيدے شي، د مور او پلار جائز خواهشات دې پوره کړے شي،

[1]... ابن ماجہ، کتاب التجارات، باب ماللرجل من مال ولدہ، صفحہ:366، حدیث:2291۔

Important

Mobile Apps

Contact Us