دعائے امیرِ اَہلِ سُنّت

(11)…لوگوں کے دل کعبۂ مُعَظَّمَہ کی طرف کھنچتے ہیں اور اس کی طرف نظر کرنے سے آنسو جاری ہوتے ہیں۔

(12)…ہر شب ِجمعہ( جمعہ اورجمعرات درمیانی رات) کو ارواحِ اَولیا ء(اولیائے کرام رَحْمَۃُ اللّٰہ ِعَلَیْہِمْ اَجْمَعِیْن کی مقدس روحیں) اس کے ارد گرد (آس پاس)حاضر ہوتی ہیں۔

(13)…جو کوئی اس کی بے حُرمتی و بے ادبی کا ارادہ کرتا ہے، برباد ہوجاتا ہے ۔

(صراط الجنان،۲/۱۵،۱۶ ملتقطاً)

صَلُّو ْا عَلَی الْحَبِیْب! صَلَّی اللہ عَلٰی مُحَمَّد

ولادتِ مصطفےٰ کا شہر

پیارے اسلامی بھائیو! مکۂ مکرمہ اور کعبہ شریف کی اور بھی کئی خصوصیات ہیں،مثلاً مکے شریف کی ایک خصوصیت یہ بھی ہے کہ یہاں تاجدارِ مدینہ صَلّی اللہ عَلَیْہ وآلِہ وسَلَّم کی ولادت ہوئی،اللّٰہ پاک قرآنِ کریم میں ارشاد فرماتا ہے :

لَاۤ اُقْسِمُ بِهٰذَا الْبَلَدِۙ(۱) وَ اَنْتَ حِلٌّۢ بِهٰذَا الْبَلَدِۙ(۲) (پ۳۰،البلد:۱،۲)

ترجمۂ کنزالعرفان:مجھے اِس شہر کی قسم۔جبکہ تم اس شہر میں تشریف فرما ہو۔

تفسیر صِراطُ الْجِنَان میں لکھا ہے :گویا کہ ارشاد فرمایا:اے پیارے حبیب صَلّی اللہ عَلَیْہ وآلِہ وسَلَّم!، مکۂ مُکَرَّمَہ کو یہ عظمت آپ کے وہاں تشریف فرما ہونے کی وجہ سے حاصل ہوئی ہے۔

(تفسیرکبیر، البلد، تحت الآیۃ: ۲، ۱۱/۱۶۴)

Important

Mobile Apps

Contact Us