دعائے امیرِ اَہلِ سُنّت

Al Quran Books Madani Channel

Magazine Courses Media

ہمیں چاہئے کہ ہم بھی کعبے شریف کی عظمت کو سمجھیں ،اس سے خوب خو ب محبت کریں ،اس کی اَہَمِّیَّت اور عظمت کو اپنے دل میں مزید اُجاگر کریں ،دنیاوی اُلجھنوں میں گرفتار رہنے کے بجائے حَرَمَین طَیِّبَیْن کی حاضری کے لئے کوششیں جاری رکھیں،اِس کے لئے اللہ پاک کی بارگاہ میں رو رو کر دُعائیں مانگیں،والِدَین اوراللہ پاک کے مقبول بندوں کی بارگاہ میں حاضِر ہوکر اُن سے دعائیں کروائیں، اِس اُمید پرکہ کبھی تو بابِ کرم کھُلے گا،کبھی تو ہمارا بھی بُلاوا آجائے گا اورکبھی تو ہمارا نام بھی حاجیوں کی فہرست(List) میں شامل ہوگا۔

صَلُّوْا عَلَی الْحَبِیْب! صَلَّی اللہ عَلٰی مُحَمَّد

بیتُ اللہ شریف کی شان و عظمت

پىارے اسلامى بھائىو!مکہ شریف میں واقع بیتُ اللہ شریف وہ مقدس مقام ہے جس کی تعریف و توصیف آیاتِ قرآنیہ میں موجود ہے، چنانچہ

پارہ4 سورۂ آلِ عمران کی آیت نمبر96 میں اللہ کریم کا فرمانِ عظمت نشان ہے:

اِنَّ اَوَّلَ بَیْتٍ وُّضِعَ لِلنَّاسِ لَلَّذِیْ بِبَكَّةَ مُبٰرَكًا وَّ هُدًى لِّلْعٰلَمِیْنَۚ(۹۶) (پ۴،آلِ عمران: ۹۶)

ترجَمۂ کنز العرفان:بیشک سب سے پہلا گھر جو لوگوں کی عبادت کے لئے بنایا گیا وہ ہے جو مکہ میں ہے برکت والا ہے اور سارے جہان والوں کے لئے ہدایت ہے۔

حضرت علّامہ مولانا سَیِّد مفتی محمد نعیمُ الدین مُراد آبادی رَحْمَۃُ اللّٰہ عَلَیْہ اس آیتِ مقدسہ کے تحت فرماتے ہیں:اس میں بتایا گیا(ہے)کہ سب سے پہلا مکان جس کو اللہ کریم نے طاعت وعبادت کے لئے مُقَرَّر کیانماز کاقبلہ،حج اور طواف کامقام بنایا جس میں نیکیوں کے ثواب زیادہ ہوتے ہیں وہ کعبۂ مُعَظَّمہ ہے جو شہرِ مکّۂ مُعَظَّمہ میں واقع ہے۔

Important

Mobile Apps

Contact Us