دعائے امیرِ اَہلِ سُنّت

مديني تي رحمت جي برسات

مولانا روم رَحْمَةُ اللهِ عَلَيْه جيڪي تمام وڏا صوفي بزرگ آھن، پاڻ رَحۡمَةُ اللهِ عَلَيۡه ھڪ نهايت پيارو واقعو لکيو آهي: فرمائن ٿا: ھڪ ڀيري جو ذڪر آھي ته مديني پاڪ ۾ ھڪ صحابي رَضِیَ اللہُ عنہ جو انتقال ٿي ويو۔ رسولن جي تاجدار، مڪي مدني سرڪار صَلَّی اللہُ عَلَیْہِ وَ آلِہٖ وَسَلَّم سندس نمازِ جنازہ پڙھائي، بقيع پاڪ ۾ کين دفن ڪيائون ۽ پوءِ واپس گھر تشريف وٺي آيا۔

ھڪ ته اِها به ڪيڏي خوش نصيبيءَ جي ڳالھ آھي! اڄڪلهه جڏھن ڪو مري ويندو آهي ته * ڪنھن جو جنازو محلي جو امام صاحب پڙھائيندو آهي * ته ڪنھن جو جنازو شھر جو وڏو عالم صاحب پڙھائيندو آهي * ڪجھ ماڻهو وڏي فخر سان ٻڌائيندا آھن ته منھنجي ڀاءُ جو جنازو فلاڻي پٽ فلاڻي علامه صاحب، فلاڻي مفتي صاحب پڙھايو ھو، هيترا ماڻھو جنازي ۾ شريڪ ٿيا ھئا، پر ان کان به وڌيڪ اڳتي جي ڳالھ عرض ڪريان ته جڏھن ڪو شخص مديني پاڪ ۾ وفات ڪري ويندو آهي ته سندس وفات جي خبر ٻڌي عام طور تي ماڻھو اِنَّا لِلّٰہ نه پڙھندا آھن، پر بي ساخته سندن زبان مان سُبْحٰنَ اللہ نڪري ويندو آهي ته واھ …!! ڇا ته سندس قسمت آھي۔

اوھان صحابيءِ رسول رَضِیَ اللہُ عنہ جي قسمت ڏسو…!! سندن انتقال ته مديني پاڪ ۾ ٿيو ئي آھي، ان سان گڏوگڏ هي نصيب به کين مليو جو سندن جنازو رسولن جا سردار، مڪي مدني تاجدار صَلَّی اللہُ عَلَیْہِ وَ آلِہٖ وَسَلَّم پاڻ پڙھائي رھيا آھن۔

Important

Mobile Apps

Contact Us