Share this link via
سُنت جي مطابق لباس پائڻ
(مثلاً: تهبند، شلوار، پاجامي يا پينٽ وغيره) جا پائينچا ڀيڏين کان هيٺ لٽڪائڻ، عمامي جو شملو ايترو ڊگهو رکڻ جو ويهڻ ۾ دٻجي،* آستين (يعني قميص وغيره جون ٻانهون) آڱرين کان هيٺ لٽڪائڻ وغيره اهي سڀ ممنوع آهن،[1] جيڪڏهن تڪبر جي نيت سان هجي ته حرام آهي.[2]
سُنت جي مطابق لباس پائڻ جا ڪجھ فائدا
* سنت مطابق لباس پائڻ ستر کي مڪمل طور تي ڍڪي ٿو. * سنت جي مطابق لباس پائڻ ۾ سادگي آهي. * حديث پاڪ ۾ آهي: سادگي ايمان مان آهي. * هڪ حديث پاڪ جي مطابق: جيڪو طاقت هجڻ جي باوجود سادو لباس پائي، الله پاڪ کيس عزت ۽ ڪرامت جو پوشاڪ پارائيندو. * سنت مطابق لباس پائڻ سان نبي ڪريمصَلَّى اللّٰهُ عَلَيۡهِ واٰلِهٖ وَسَلَّم سان محبت جو اظهار ٿئي ٿو. * سنت مطابق لباس پائڻ سان ٻانهو ڪيترن ئي گناهن کان محفوظ رهي ٿو، مثال طور اسبال (ڀيڏين کان هيٺ ڪپڙو لٽڪائڻ)، بي پردگي ۽ غير شرعي وضع قطع وغيره. * سنت مطابق لباس پائڻ سان اسلامي سڃاڻپ نمايان ٿيندي آهي.
سُنت جي مطابق لباس پائڻ جي عادت بنائڻ جا ڪجھ طريقا
* فيشن پرستي ڇڏيو ۽ پياري آقا صَلَّى اللّٰهُ عَلَيۡهِ واٰلِهٖ وَسَلَّم جي پيارين پيارين سنتن سان رشتو جوڙيو * دل ۾ عشقِ مصطفى صَلَّى اللّٰهُ عَلَيۡهِ واٰلِهٖ وَسَلَّم وڌايو * صحابه ڪرام ۽ بزرگانِ دين جي سيرت جو مطالعو ڪريو، خاص طور تي انهن جا سنت تي عمل ڪرڻ وارا واقعا پڙهو.
پيارا اسلامي ڀائرو! اڄ اسان نيڪ عمل نمبر 25 جي مطابق سنت جي مطابق لباس پائڻ جي عنوان تي مفيد ترين معلومات حاصل ڪئي، نيت ڪريو! ته آئنده سنت مطابق لباس پائينداسين. اِنْ شَآءَ اللہُ الْکَرِیْم!
الله پاڪ عمل جي توفيق نصيب فرمائي. اٰمِين بِجَاهِ خَاتَمِ النَّبِيّٖن صَلَّى اللّٰهُ عَلَيۡهِ واٰلِهٖ وَسَلَّم
