دعائے امیرِ اَہلِ سُنّت

Al Quran Books Madani Channel

Magazine Courses Media

اِهو اسان تي وڌيڪ آسان هجي ها. الله پاڪ ارشاد فرمائيندو: مون ڄاڻي واڻي توهان سان ائين ڪيو آهي (۽ ان جو سبب هي آهي ته) * جڏهن توهان اڪيلائي ۾ هوندا هئا ته وڏا وڏا گناهه ڪري مون سان اعلانِ جنگ ڪندا هئا ۽ جڏهن ماڻهن سان ملندا هئا ته عاجزي ۽ انڪساري سان ملندا هئا، توهان ماڻهن کي پنهنجي اها حالت ڏيکاريندا هئا جيڪا توهان جي دلين ۾ منهنجي لاءِ نه هوندي هئي * توهان ماڻهن کان ڊڄندا هئا ۽ مون کان نه ڊڄندا هئا * توهان ماڻهن جي عزت ڪندا هئا ۽ منهنجي عزت نه ڪندا هئا * توهان ماڻهن جي ڪري برو ڪم ڪرڻ ڇڏي ڏيندا هئا پر منهنجي ڪري برائي نه ڇڏيندا هئا، اڄ مان توهان کي پنهنجي ثواب کان محروم ڪرڻ سان گڏوگڏ پنهنجي عذاب جو مزو به چکائيندُس.^{^[1]}

حضرت اِبراهيم تَيمِي رَحمۃُ اللہِ عَلَيه فرمائن ٿا: مان موت جي ياد لاءِ ڪثرت سان قبرستان ۾ ايندو ويندو هئس، هڪ رات مان قبرستان ۾ هئس ته مون تي ننڊ غالب اچي وئي ۽ مان سمهي پيس، ته مون خواب ۾ هڪ کليل قبر ڏٺي ۽ هڪ چوڻ واري کي اهو چوندي ٻڌم: هي زنجير پڪڙيو ۽ ان جي وات ۾ وجهي ان جي شرمگاهه مان ڪڍو. ته اهو مُڙدو چوڻ لڳو: ياربّ ڪريم! * ڇا مون قرآن نه پڙهيو؟ * ڇا مون تنهنجي حُرمَت واري گهر جو حج نه ڪيو؟ پوءِ هو اهڙي طرح هڪ کان پوءِ ٻي نيڪي ڳڻائڻ لڳو ته ان کي چيو ويو: تون ماڻهن جي سامهون اهي اَعمال ڪندو هُئين پر جڏهن تون اڪيلائي ۾ هوندو هئين ته نافرمانين ذريعي مون سان مقابلو ڪندو هئين ۽ تو منهنجو ڪو خيال نه ڪيو.^{^[2]}

[1]...معجم اوسط، من اسمہ محمد، جلد:4، صفحہ:135، حدیث:5478۔

[2]...الزواجر عن اقتراف الکبائر، مقدمۃ المؤلف، جلد:1، صفحہ:30۔

Important

Mobile Apps

Contact Us