دعائے امیرِ اَہلِ سُنّت

موټر وي او که هوائي جاز * ټرک وي او که بس * ټيکسي وي او که سوزکے * خر ګاډے وي که د غويانو ګاډے * کور وي او که دُکان * کارخانه وي او که ګودام * هوټل وي او که پان هټۍ تقريباً پۀ هر ځائے کښې موسيقي اوريدلے کيږي۔ ماشوم هم سترګې د موسيقۍ پۀ سازونو کښې غړوي، د خوار مخې ته د لوبو څيز زوړندولے شي کوم چې هغه ته موسيقي غږوي او اودۀ کوي يـې * د لوبو پۀ ګوډاګو کښې که ګوډۍ وي او که ميلو * ريل ګاډے وي او که هوائي جاز پۀ ټولو کښې موسيقي وي د دې پورې چې د ماشومانو پيزار هم موسيقي غږوي! بيا يـې نتيجې ته وګورئ چې پۀ معاشره کښې عملي منافقت يعنې د مسلمانۍ باوجود د منافقانو پۀ شان عادتونه څومره عام کيږي۔ پۀ قرآنِ کريم کښې د منافقانو نخښې بيان شوې دي:

وَ اِذَا قَامُوْۤا اِلَى الصَّلٰوةِ قَامُوْا كُسَالٰىۙ- (پارہ:5، سورۂ نساء:142)

[مفهوم] ترجمهٴ کنزُ العِرفان: او کله چې د نـمانځه د پاره ودريږي نو ډير پۀ سستۍ سره ودريږي۔

معلومه شوه چې پۀ نـمونځونو کښې ناراستي د منافقت نخښه ده، اوس ووايئ چې *څومره مسلمانان دي کوم چې هډو نـمونځ نۀ کوي * څومره خلق دي کوم چې وائي: زما نـمونځ ته ډډې نۀ لګي * څومره داسې هم دي کومو چې به مخکښې پۀ پابندۍ سره نـمونځونه کول او اوس يـې نۀ کوي۔

دا چې پۀ زړۀ کښې نفاق پيدا کيدل نۀ دي نو نور څۀ دي؟ الله پاک فرمائي:

وَ لَا یَذْكُرُوْنَ اللّٰهَ اِلَّا قَلِیْلًا٘ۙ(۱۴۲) (پارہ:5، سورۂ نساء:142)

[مفهوم] ترجمهٴ کنزُ العِرفان: او الله ډير کم يادوي۔

Important

Mobile Apps

Contact Us