علاقه کښې يـې خلقو ته وئيل: حضرت سَيِّدُنا موسیٰ عَلَیْهِ السَّلَام دا فرمائيلي دي، حضرت موسیٰ عَلَیْهِ السَّلَام ما ته دا خبرې کړې ده۔ پۀ داسې قِسمه خبرو کولو به هغۀ د خلقو نه مال اخستو۔ خلقو به هغه حضرت سَيِّدُنا موسیٰ عَلَیْهِ السَّلَام ته نزدې ګڼلو او د هغۀ عزت به يـې کولو او هغۀ له به يـې خپل مال او دولت ورکولو۔ هغه به ډير خوشحاليدو او ځائے پۀ ځائے به وئيل چې ما د حضرت سَيِّدُنا موسیٰ عَلَیْهِ السَّلَام نه دا اوريدلي دي۔ غرض دا چې داسې هغه ډير مال جمع کړو او واپس لاړو او د حضرت موسیٰ عَلَیْهِ السَّلَام پۀ خدمت کښې حاضر نۀ شو۔ د ډيرو ورځو تيريدو باوجود چې کله هغه پۀ خِدمت کښې حاضر نۀ شو نو حضرت موسیٰ عَلَیْهِ السَّلَام د خلقو نه د هغۀ پۀ باره کښې پوښتنه اوکړه خو چا ته د هغۀ څۀ معلومات نۀ وو چې هغه اوس چرته دے؟ يوه ورځ حضرت موسیٰ عَلَیْهِ السَّلَام پۀ يو ځائے کښې تشريف فرما وو چې يو بانډچي  کَس په لار تيريدلو هغۀ رسۍ تړلې يوه سويا پۀ خپله غاړه رازوړنده کړې وه۔ حضرت موسیٰ عَلَیْهِ السَّلَام د هغۀ نه پوښتنه اوکړه: اے د الله پاک بنده! تۀ د چرته نۀ راغلې؟ عرض يـې اوکړو: د فلانکي کلي نه۔ وه يـې فرمائيل: آيا تۀ فلانکے کَس پيژنې، کوم چې زما نه عِلمِ دِين زده کړے وو؟ بانډچي  پۀ خپله غاړه د رازوړندې سويې طرف ته اِشاره اوکړه او وه يـې وئيل: هُم دا هٰغه کَس دے د چا پۀ باره کښې چې تاسو عَلَیْهِ السَّلَام پوښتنه کوۍ۔ الله ربُّ العزَّت د هغۀ نه سويا جوړه کړې ده۔ د هغۀ پۀ باره کښې پۀ حضرت موسیٰ عَلَیْهِ السَّلَام باندې وحي نازله شوه، الله پاک وفرمائيل: اے موسیٰ (عَلَیْهِ السَّلَام)! د دۀ نه ما ځناور ځکه جوړ کړے دے چې دۀ به د دِين پۀ ذريعه د دُنيا سپک دولت غوښتو۔ ^([1])

اَللہُ اَکْبَر! دا دے د دُنيا د پاره د دِين د خرڅوونکي خراب انجام۔۔۔!! الله پاک دې مونږ محفوظ کړي۔ اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم ۔

صَـلُّـوْا  عَلَـی   الْحَبِيْـب!            صَـلَّـی اللهُ عَلـٰی   مُـحَـمَّد