غُرور میں مُبْتَلا کرے، میں تم کو ظلم کا نشانہ بناؤں اور روزِ قِیامت تم مجھ سے اِس کا بدلہ لو ،مجھ سے یہ ہر گز نہیں ہوگا ۔یہ فرما کر خاموش ہوگئے ۔(کیمیائے سعادت،۲/۵۹۷ از  غصے کا علاج، ص۱۲)

(2)                                           کسی شخص نے حضرت سلمان فارسی رَضِیَ اللہُ عَنْہ کوگالی دی۔اُنہوں نے فرمایا:اگر قِیامت کے دن میرے گناہو ں کاپَلّہ بھاری ہے تو جو کچھ تم نے کہا ،میں اُس سے بھی بُرا ہوں اور اگر میرا وہ پَلّہ ہلکا ہے تو مجھے تمہاری گالی کی کوئی پروا نہیں۔(اتحاف السادۃ،۹/۴۱۶،از  غصے کا علاج، ص۱۲)

(3)                                           کسی شخص نے حضرت  شَعبی رَحْمَۃُ اللہِ عَلَیْہ کو گالی دی،آپ نے فرمایا :اگرتُوسچ کہتاہے تو اللہ  پاک میری مغفرت فرمائے اور اگرتُو جھوٹ کہتا ہے تو  اللہ  پاک تیری مغفرت فرمائے۔(احیاءُ العلوم،۳ /۲۱۲،از  غصے کا علاج، ص۱۳)

صَلُّو ْا عَلَی الْحَبِیْب!                                                                                               صَلَّی اللہُ عَلٰی مُحَمَّد

نیک عمل نمبر 14 کی ترغیب:

پیارے اسلامی بھائیو!اپنے اندر صبر و برداشت پیدا کرنے اور غصے کی عادت چھڑانے کے لئے دعوت اسلامی کے دینی ماحول سے وابستہ ہوجائیےاور ذیلی حلقے کے 12 دینی کاموں میں حصہ لیجئے دعوت اسلامی کے 12 دینی کاموں میں سے ایک دینی کام ”نیک اعمال“ کا رسالہ پُر (Fill) کرنا بھی ہے ۔ شَیْخِ طریقت، اَمِیْرِ اَہلسنّت دَامَتْ بَرَکَاتُہُمُ الْعَالِیَہ   کے عطا کردہ ”72 نیک اعمال“ میں سےنیک عمل نمبر 14 یہ ہےکیا آج آپ نے (گھر میں یا باہر) کسی پر غصہ آجانے کی صورت میں چپ رہ کر غصے کا علاج فرمایا یا بول پڑے؟ پیارے اسلامی بھائیو! اس نیک عمل پر عمل کرنے کی برکت سے ہم غصے جیسی بُری عادت سے بچ سکتے  ہیں اور اپنے اندر صبر و برداشت پیدا کرنے میں کامیاب ہوسکتے ہیں، نیز اسی طرح اور بہت سے نیک اعمال بصورت سوال جواب اس رسالے میں موجود ہیں جن پر عمل پیرا ہوکر ہم آسانی سے نیکیاں کرنے اور گناہوں سے بچنے میں کامیاب ہوسکتے ہیں۔ اللہ پاک ہم سب کو عمل کرنے کی توفیق عطا