Share this link via
بُرائي جو اڳواڻ نه بڻجو
ڪريمه جو شانِ نزول ٻڌون ٿا، پوءِ هن آيت کي سمجهڻ ۽ ان مان سکڻ جا سبق ٻڌڻ جي سعادت حاصل ڪنداسين.
مفسرينِ ڪرام لکن ٿا: ڪعب بن اَشرف (جيڪو بني اسرائيل جو وڏو عالم هو) ۽ ان جا ٻيا ساٿي پنهنجي قوم جي جاهلن کان رقم وٺندا هئا ۽ انهن جي پيداوار ۾ پنهنجا حصا مقرر ڪري ڇڏيا هئا، جڏهن رسولِ اڪرم، نورِ مُجَسَّم صَلَّى اللّٰهُ عَلَيۡهِ واٰلِهٖ وَسَلَّم تشريف کڻي آيا ته انهن کي فڪر ٿي ته توريت شريف ۾ جيڪي حُضُورِ انور صَلَّی اللہُ عَلَیْہِ وَ آلِہٖ وَ سَلَّم جا اوصاف ۽ فضائل وجود آهن، جيڪڏهن اسان ان کي ظاهر ڪري ڇڏيون يا پاڻ صَلَّی اللہُ عَلَیْہِ وَ آلِہٖ وَ سَلَّم تي ايمان آڻيون ته اسان جي قوم به انهن تي ايمان آڻي وٺندي. ائين اسان جي اها آمدني بند ٿي ويندي. ان ڪري انهن توريت کي بدلائي ڇڏيو ۽ جڏهن ماڻهو انهن کان پڇندا هئا ته توريت ۾ نبي آخرُ الزَّمان صَلَّی اللہُ عَلَیْہِ وَ آلِہٖ وَ سَلَّم جا ڪهڙا اوصاف آهن ته اهي لڪائيندا هئا ۽ ماڻهن کي نه ٻڌائيندا هئا.[1]
تفسير روحُ البيان ۾ آهي: هڪ ڀيري ڪعب بن اَشرف بني اسرائيل جي عالمن کان پڇيو: توهان محمد (صَلَّی اللہُ عَلَیْہِ وَ آلِہٖ وَ سَلَّم) جي باري ۾ ڇا ٿا چئو؟ (ڇو ته اها هڪ نجي مجلس هئي، سڀ پاڻ ۾ ئي ويٺا هئا، تنهنڪري) انهن سچ ڳالهائيندي چيو: بيشڪ اهي سچا نبي آهن. ان تي ڪعب بن اَشرف چيو: جيڪڏهن توهان ان کان علاوه ڪو ٻيو جواب ڏيو ها ته مان توهان سڀني کي انعام ڏيان ها. هاڻي اهي ئي عالم جيڪي پهريان سچ ڳالهائي رهيا هئا، انهن جي دل ۾ لالچ اچي وئي ۽ چوڻ لڳا: اسان بنا سوچي جواب ڏئي ڇڏيو، اسان کي ان باري ۾ ٿوري تحقيق ڪرڻ ڏيو! ڪعب چيو: ٺيڪ آهي سوچي وٺو!
BOOK TOPIC
- درودِ پاڪ جي فضيلت
- آيتِ ڪريمه جو شانِ نزول
- آيتِ ڪريمه مان سکڻ جا سبق
- (1): سنت تي هلڻ جي ترغيب
- سنت کان بي رغبتي رکڻ وارو
- سنت تي عمل جي برڪت سان بخشش ٿي وئي
- (2): برائي جا اڳواڻ نه بڻجو!
- شروعات هڪ کان ٿيندي آهي
- جنهن برو طريقو رائج ڪيو
- حوض تي اوندو لٽڪيل ماڻهو
- (3): دين جي بدلي دنيا نه خريد ڪريو!
- ماڻهو سَهو ڪيئن بڻيو...؟
- هڪ اهم وضاحت
- القرآن الڪريم ايپلي ڪيشن
- درست ڇا آهي؟
- اَسْمَاءُ الحسنيٰ جون برڪتون (وظيفو)
