واعدو نڀايو

Al Quran Books Madani Channel

Magazine Courses Media

فِرشتو اندر هليو ويو، ان وقت فِرشتي چيو: ڏاڍو فرمانبردار شهزادو آهي ۽ توهان کي اِسرائيل جو لقب ڏنو.^{^[1]} اِسْرائیل جي معنيٰ آهي: الله پاڪ جو فرمانبردار ٻانهو. ان ڪري انهن غير مسلمن کي اي بني اسرائيل چئي سڏيو ويو، يعني اي اهي انسانو! جن جا والِد ڏاڍا فرمانبردار هئا، توهان به پنهنجي والد جي طريقي تي هلو ۽ الله پاڪ جا فرمانبردار بڻجي وڃو!^{^[2]}

هي هڪ خوبصُورت خطاب آهي، ان ۾ هي سبق آهي ته جڏهن ڪنهن کي سمجهائڻو هجي ته اهڙن پيارن، خوبصُورت ۽ ترغيبي لفظن سان سمجهيو وڃي، ظاهِر آهي جڏهن اسان ڪنهن کي*اي بيوقوف!*اي گنهگار جا پٽ!*تنهنجو پيءُ به اهڙو هو وغيره چونداسين ته سامهون وارو نه سمجهندو، ابتو ضدي ٿي ويندو. ان ڪري سمجهائڻ وقت سٺا سٺا لفظ استعمال ڪريو، مثال طور توهان ته ڏاڍا سٺا آهيو، مَاشَآءَ اللہ! توهان جا والد فُلاڻي نيڪي ڪندا هئا، توهان جي اندر به هي هي چڱايون آهن، نماز به پڙهندا ڪريو! هن کي سينڊوچ ميٿڊ (Sandwich Mathod) چوندا آهن، يعني سمجهائڻ جي شروعات به سامهون واري جي چڱائين سان ڪريو، اِختتام به چڱائين تي ڪريو، وچ ۾ ان ڳالهه جو ذِڪر ڪريو، جيڪا ان ۾ بُرائي پائي وڃي ٿي. ان سان اِنْ شَآءَ اللہُ الْکَرِیْم! سمجهائڻ جو فائدو وڌيڪ ٿيندو.

(2):نعمتون ياد ڪريو!

پيارا اسلامي ڀائرو! الله پاڪ بني اسرائيل کي فرمايو:

اُذْكُرُوْا نِعْمَتِیَ الَّتِیْۤ اَنْعَمْتُ عَلَیْكُمْ (سيپارو: 1، البقرة: 40)

ترجمو ڪنزُ العرفان: ياد ڪريو منهنجو اهو احسان جيڪو مون توهان تي ڪيو.

[1]... تفسیر نعیمی، پارہ:1، سورۂ بقرۃ، زیر آیت:40، جلد:1، صفحہ:324۔

[2]... تفسیر روح المعانی، پارہ:1، سورۂ بقرۃ، زیر آیت:40، جلد:1، صفحہ:327 خلاصۃً۔

Important

Mobile Apps

Contact Us