معلومه شوه چې د مور او پلار خِدمت کول د عمر زياتيدو او پۀ رزق کښې د زياتوالي ذريعه ده۔ ځکه د مور او پلار ښه ډير خِدمت اوکړئ! پۀ اخرت کښې چې به د دې کوم برکتونه نصيب کيږي، هغه خو به اِنْ شَآءَ اللہُ الْکَرِیم! هسې هم نصيب کيږي خو ورسره ورسره به دُنيا هم ښه شي۔

پۀ رَوضُ الرَّياحِين کښې دي: الله پاک حضرت سليمان عَلَیْهِ السَّلَام ته وحي وفرمائيله چې د سمندر غاړې ته لاړ شئ او زما د قدرت نظاره اوکړئ۔ حضرت سليمان عَلَیْهِ السَّلَام د خپلو ملګرو سره تشريف يوړلو خو داسې هيڅ څيز پۀ نظر رانغلو، نو يو پيري ته يـې حکم اوکړو چې پۀ سمندر کښې غوپه شه او د دننه خبر راوړه۔ هغۀ غوپه ووهله او واپس راغلو او عرض يـې اوکړو: زۀ بيخ ته وه نۀ رسيدے شوم او نۀ مې څۀ څيز پۀ نظر راغلو۔ حضرت سليمان عَلَیْهِ السَّلَام د هغۀ نه طاقت ور پيري ته حکم اوکړو، هغه د مخکښني پيري پۀ مقابله کښې د دوه چنده ژورې پورې غوپه ووهله خو هغۀ هم څۀ خبر را نۀ وړے شو۔ حضرت سليمان عَلَیْهِ السَّلَام خپل وزير حضرت آصف بن بَرخِيا رَحْمَةُ اللهِ عَلَيْه ته حکم اوکړو، هغوئي پۀ لږ ساعت کښې عالي شان د 4 دروازو والا سپين سمندري ګنبد راوړو او د حضرت سليمان عَلَیْهِ السَّلَام پۀ خدمت مبارک کښې يـې حاضر کړو! د هغې يوه دروازه د ملغلرو، دويمه د ياقوتو، دريمه د هيرې او څلورمه د زمرُدو وه، د څلور واړو دروازو د برسيره کيدو باوجود د سمندر د اوبو يو څاڅکے هم دننه نۀ وو۔ پۀ هٰغه سمندري ګنبد کښې دننه يو ښکلے ځوان پۀ صفا سوتره جامو کښې پۀ نـمونځ کښې مشغول وو، کله چې هغه د نـمونځ نه فارغ شو نو حضرت سليمان عَلَیْهِ السَّلَام سلام اوکړو او د هغۀ نه يـې د هٰغه سمندري ګنبد د راز پوښتنه وکړه۔ هغۀ عرض اوکړو: اے د الله پاک نبي! زما پلار معذوره او مور نابينا وه، اَلْحَمْدُ لِلّٰہ! ما 70 کاله د هغوئي خِدمت اوکړو، زما مور د وفات کيدو نه مخکښې دُعا اوکړه: يا الله پاکه! زما ځوي ته د خير سره ډير عمر عطا کړې۔ والِد صاحب د وفات کيدو پۀ وخت دُعا اوکړه: يا الله پاکه! زما ځوي پۀ داسې