Neki Umar Barhati Hai

Al Quran Books Madani Channel

Magazine Courses Media

مزید حدیثِ پاک میں بتایا گیا کہ صِلَہ رحمی سے بھی عمر بڑھتی ہے۔ ایک روایت میں ہے، رسولِ اکرم، نورِ مُجَسَّم صلی اللہ عَلَیْہِ وَ آلِہٖ وَسَلَّم نے فرمایا: ایک شخص تھا، اس کی زِندگی صِرْف 3 سال رہتی تھی، پِھر اس نے صِلَہ رحمی کی تو اللہ پاک نے اس کی عمر میں 30 سال کا اِضافہ فرما دیا۔^{(^[1])}

پتا چلا؛ صِلَہ رحمی کی برکت سے بھی عمر میں بَرَکت ہوتی ہے۔

ذَوِی الْقُرْبیٰ کون ہیں...؟

پیارے اسلامی بھائیو! صِلَہ کا معنیٰ ہے: نیکی اور بھلائی کرنا۔ وہ کون کون سے رشتے ہیں جن کے ساتھ نیک سلوک کرنا صلہ رحمی میں شامِل ہے، سنیے! اللہ پاک فرماتا ہے:

وَ بِالْوَالِدَیْنِ اِحْسَانًا وَّ ذِی الْقُرْبٰى (پارہ:1، سورۂ بقرۃ:83)

تَرجَمۂ کَنزالْعِرفَان: اور ماں باپ کے ساتھ بھلائی کرو اور رشتے داروں (کے ساتھ اچھا سلوک کرو!)

اس کے تحت مشہور مُفَسِّر ِقرآن، مفتی احمد یار خان نعیمی رحمۃُ اللہ علیہ لکھتے ہیں: ذِی الْقُرْبٰی وہ لوگ ہیں، جن کا رشتہ ماں باپ کے ذریعے سے ہو، انہیں ذِی رِحْم بھی کہتےہیں۔ ذَوِی القُرْبیٰ 3قسم کے ہیں: (1):باپ کے قرابت دار، جیسے *دادا، دادی *چچا *پھوپھی *باپ شریک بھائی وغیرہ (2):ماں کے رشتے دار جیسے *نانا، نانی *ماموں *خالہ *ماں شریک بھائی وغیرہ (3):ماں باپ دونوں کے رشتے دار، جیسے حقیقی بھائی بہن وغیرہ۔^{(^[2])}

[1]...قرۃ عیون و مفرح القلب المحزون، الباب التاسع، صفحہ:114، رقم:126۔

[2]...تفسیر نعیمی، پارہ:1، سورۂ بقرۃ،زیرِ آیت:83، جلد:1، صفحہ:512۔

Important

Mobile Apps

Contact Us