Aakhirat Ki Tayari Kaese Karen?

Al Quran Books Madani Channel

Magazine Courses Media

اچھوں کی صحبت انسان تو انسان اگر کسی جانور کو بھی نصیب ہوجائے تو پھر وہ عام جانور نہیں رہتا بلکہ اس کی صحبت ونسبت کی برکت سے وہ دُوسرے جانوروں سے ممتازاورنمایاں ہوجاتا ہے، جیسے

اَصْحابِ کہف رَضِیَ اللہُ عَنْہم کے کُتّے ہی کو لے لیجئے کہ جو پہلے ایک عام سا کُتّا تھا، مگر اُسے اَصحابِ کہف رَضِیَ اللہُ عَنْہم سے محبت و اُلفت ہوگئی تھی، لہٰذا وہ ان اللہ والوں کی مَحَبَّت میں اُن کا رفیق، شریکِ سفراور محافظ بن گیا،اولیائے کرام رَحْمَۃُ اللّٰہ عَلَیْہمْ اَجْمَعِیْن کی صحبت کی برکتیں تو کیا نصیب ہوئیں،اس کی تو قسمت ہی چمک اُٹھی اور اس کا مقام ومرتبہ اتنا بلند ہوگیا کہ خدائے پاک نے اپنے پاکیزہ کلام قرآنِ کریم میں اپنے مقبول بندوں یعنی اصحابِ کہفرَضِیَ اللہُ عَنْہم کے ساتھ ساتھ اس کا بھی ذِکر فرمایا، چُنانچہ پارہ 15سُوْرَۃُ الْکَہفکی آیت نمبر18 میں ارشادِ خداوندی ہے:

وَ كَلْبُهُمْ بَاسِطٌ ذِرَاعَیْهِ بِالْوَصِیْدِؕ- (پ۱۵،الکھف:۱۸)

ترجَمۂ کنز العرفان:اور اُن کا کُتّا غار کی چوکھٹ پر اپنی کلائیاں پھیلائے ہوئے ہے ۔

حضرت اِمام ابوعبدُاللہ محمد بن اَحمدقُرطبی رَحْمَۃُ اللّٰہ عَلَیْہ فرماتے ہیں:جب نیک بندوں اور اولیائے کرام رَحْمَۃُ اللّٰہ ِعَلَیْہِمْ اَجْمَعِیْن کی صحبت میں رہنے کی برکت سے ایک کُتّا اتنا بلندمقام پا گیا کہ اللہ پاک نے ا س کا ذکرِ خیر قرآنِ پاک میں فرمایا تو اس مسلمان کے بارے میں تمہارا کیا خیال ہے جو اولیائے کرام اور نیک بندوں سے مَحَبَّت کرنے والا اور ان کی صحبت سے فیضیاب ہونے والا ہے بلکہ اس آیت میں ان مسلمانوں کے لئے تسلّی(Satisfaction)ہے جو کسی بلند مقام پر فائز نہیں۔^{(^[1])}یعنی ان کیلئے تسلّی ہے کہ وہ اپنی اس محبت و عقیدت کی وجہ سے اللہ پاک کی بارگاہ میں کامیاب ہوں گے۔^{(^[2])}

[1]… تفسیر قرطبی، پ۱۵،الکھف، تحت الآیۃ: ۱۸،الجزء۱۰،۵/۲۶۹

[2]… صِراطُ الجِنان،پ۱۵،الکہف،تحت الآیۃ:۱۸، ۵/۵۵۰ملخصاً

Important

Mobile Apps

Contact Us