حضرت عيسیٰ  عَلَیْهِ السَّلَام  د هوسۍ يو بچے راوبللو نو هغه د هغوئي  عَلَیْهِ السَّلَام  حکم ومنلو او فوراً حاضر شو، حضرت عيسیٰ  عَلَیْهِ السَّلَام  هغه ذبح کړو، هغه يـې ورِيت کړو او دواړو د هغۀ غوښه وخوړله، بيا حضرت عيسیٰ  عَلَیْهِ السَّلَام   هغه هډوکي يو ځائے ته راجمع کړل او وه يـې فرمائيل: د  الله  پاک پۀ حکم باندې ودريږه، فوراً هٰغه هډوکي بيا د هوسۍ بچے جوړ شو او هٰغه بچے د خپلې مور خوا له روان شو، حضرت عيسیٰ  عَلَیْهِ السَّلَام  هٰغه کَس ته وفرمائيل: اے انسانه! ستا دې پۀ هٰغه ذات باندې قَسم وي! چاچې تا ته زما پۀ لاس باندې معجزه وښودله، تۀ رښتيا رښتيا ووايه چې هٰغه ډوډۍ چا اخستې وه؟ هٰغه کَس ووئيل: ما ته پته نشته چې ډوډۍ چا اخستې وه؟ حضرت عيسیٰ  عَلَیْهِ السَّلَام  هٰغه کَس د ځان سره کړو او بيا پۀ سفر باندې روان شو، پۀ لار کښې يو درياب راغلو، حضرت عيسیٰ  عَلَیْهِ السَّلَام  هٰغه کَس د لاس نه ونيولو او د اوبو د پاسه روان شو او پۀ درياب يـې واړولو، بيا حضرت عيسیٰ  عَلَیْهِ السَّلَام  هٰغه کَس ته وفرمائيل: ستا دې پۀ هٰغه پاک پروردګار باندې قَسم وي! چاچې زما پۀ لاس تا ته معجزه وښودله، رښتيا رښتيا ووايه چې هٰغه ډوډۍ چا اخستې وه؟ هغه بيا هم هٰغه جواب ورکړو چې ما ته پته نشته۔ حضرت عيسیٰ  عَلَیْهِ السَّلَام  هٰغه کَس د ځان سره کړو او مخکښې روان شو، پۀ لاره کښې يوه شاړه راغله۔ حضرت عيسیٰ  عَلَیْهِ السَّلَام  هغۀ ته وفرمائيل: کښينه، بيا حضرت عيسیٰ  عَلَیْهِ السَّلَام  لږه شګه راجمع کړه او وه يـې فرمائيل: اے شګې! د  الله  پاک پۀ حکم باندې سرۀ زر جوړه شه نو هٰغه شګه فوراً پۀ سرو زرو کښې بدله شوه۔ حضرت عيسیٰ  عَلَیْهِ السَّلَام  د هغې درې حصې کړې او وه يـې فرمائيل: يوه حصه زما، دويمه ستا او دريمه حصه د هٰغه چا د پاره چا چې هٰغه ډوډۍ اخستې وه، پۀ دې اوريدو هٰغه کَس ووئيل: هٰغه ډوډۍ هم ما پټه کړې وه۔

حضرت سيدنا عيسیٰ  عَلَیْهِ السَّلَام  هٰغه کَس ته وفرمائيل: دا درې واړه حصې هم تۀ واخله۔ د