Kamil Momin Kon?

Al Quran Books Madani Channel

Magazine Courses Media

مدد کر رہے ہیں۔ وہ بےنیازی سے بولا: سُبْحٰنَ اللہ! تم نے مجھے وہ راستہ دِکھایا، جو خود بھی نہیں جانتے۔ بَھلا جب میں جزیرے پر تھا، غیرُ اللہ کی عِبَادت کرتا تھا، اللہ پاک نے اس وقت مجھے بُھوکا نہیں رکھا تو اب کیسے ضائع فرما دے گا؟ یہ کہہ کر وہ ہم سے جُدا ہو گیا۔

کافِی عرصے کے بعد مجھے خبر مِلی کہ وہ نَو مُسْلِم نَزع کی کیفیت میں ہے، میں جلدی سے اُس کے پاس پہنچا۔ سلام کیا۔ پوچھا: کیا کوئی حَاجت ہے؟ بولا: وہ رَبِّ کائنات جسے میں پہنچانتا بھی نہیں تھا، اس نے تمہیں جزیرے پر بھیج کر میری حَاجت پُوری فرما دی تھی، اب کوئی حَاجت نہیں ہے۔ فرماتے ہیں: اس کے کچھ ہی دَیر بعد اس نَو مُسْلِم کی رُوح پرواز کر گئی اور وہ رَبّ کے حُضُور حاضِر ہو گیا۔

اب میں نے اس کی تجہیز و تکفین وغیرہ کی، جَنازہ پڑھا اور دَفن کر دیا۔ رات کو میں نے خواب دیکھا کہ ایک خوبصُورت گنبد ہے، اس کے نیچے پیارا سا تخت بچھا ہوا ہے، تخت پر ایک انتہائی خوبصُورت حُور بیٹھی ہے اور وہ نَو مُسْلِم بہت ہی اچھی حالت میں حُور کے قریب بیٹھا ہے، حُور اسے بار بار کہہ رہی ہے: ^{(^[1])}

سَلٰمٌ عَلَیْكُمْ بِمَا صَبَرْتُمْ فَنِعْمَ عُقْبَى الدَّارِؕ(۲۴) (پارہ:13، الرعد:24)

تَرْجمۂ کَنْزُالعِرْفان : تم پر سلامتی ہو کیونکہ تم نے صبر کیا تو آخر ت کا اچھا انجام کیا ہی خوب ہے۔

صَلُّوْا عَلَی الْحَبِیْب! صَلَّی اللہ عَلٰی مُحَمَّد

سُبْحٰنَ اللہ! پیارے اسلامی بھائیو! کیا شان ہے...!! رَبِّ رحمٰن جس پر رَحم فرمائے، اس کے وارے ہی نیارے ہو جاتے ہیں۔ ہم الحمد للہ! مسلمان ہیں، اَہْلِ ایمان ہیں، اس نعمت پر ہمیں اللہ پاک کا شکر ادا کرنا چاہیے۔

[1]...نزہۃ المجالس، باب فضل الصلوات لیلا و نھارا ومتعلقاتھا ، جز :1، صفحہ:144۔

Important

Mobile Apps

Contact Us