ہیں، دِل سیاہ ہو جائیں تو اَخْلاق بھی بگڑ جاتے ہیں، عادات بھی تباہ ہو جاتی ہے، پِھر اسی کی نُحُوسَتْ ظاہِر ہوتی ہے کہ پُورا معاشرہ بگڑتا ہے اور پُوری قوم تَنَزُّلی کا شکار ہو جاتی ہے۔

غرض؛ بنیاد رِزْق ہے، ہم حلال کھائیں گے تو اس کا نتیجہ اچھا نکلے گا، حرام کی طرف بڑھیں گے تو اس کا نتیجہ تباہی و بربادی نکلے گا۔

دِل چمکانے والی بنیادی چیز

حضرت عُمر بن صالِح   رحمۃُ اللہ علیہ   فرماتے ہیں:ایک مرتبہ میں حضرت امام احمد بن حنبل   رحمۃُ اللہ علیہ   کی خدمت میں حاضِر ہوا، میں نے پوچھا: اے امام! اللہ پاک آپ پر رحم فرمائے، دِل نرم کیسے ہوتے ہیں؟یہ سُوال سُن کر امام احمد بن حنبل   رحمۃُ اللہ علیہ   نے سَر مبارک جھکا لیا، کچھ دیر بعد سَر اُٹھا کر فرمایا: بیٹا! حلال مال (دِل کو نرم کرتا ہے)۔

حضرت عمر بن صالِح فرماتے ہیں:اپنے سُوال کا جواب سُن کر میں واپس آگیا، راستے میں مجھے حضرت بشر حافِی   رحمۃُ اللہ علیہ   ملے،میں نے ان سے پوچھا:عالی جاہ! دِل نرم کیسے ہوتے ہیں؟فرمایا:اللہ پاک کے ذِکْر سے۔میں نے عرض کیا:امام احمد بن حنبل   رحمۃُ اللہ علیہ   کی خدمت میں حاضِر ہوا تھا، اتنا سُنتے ہی حضرت بِشر حافِی   رحمۃُ اللہ علیہ   نے خوشی سے فرمایا: واہ... (کیا بات ہے)۔ انہوں نے تمہیں کیا بتایا؟میں نے عرض کیا:امام احمد بن حنبل   رحمۃُ اللہ علیہ   فرماتے ہیں:حلال کھانے سے دِل نرم ہوتا ہے۔فرمایا:امام نے اَصْل بنیاد بتائی (یعنی اَصْل یہی ہے کہ دِل رِزْقِ حلال ہی سے نرم ہوتا ہے)۔حضرت عمر بن صالِح   رحمۃُ اللہ علیہ   فرماتے ہیں: پھر میری ملاقات حضرت عبدُ الوَہّاب  بن ابو الحسن  رحمۃُ اللہ علیہ   سے ہوئی،میں نے ان