گا*بااَدَب بیٹھوں گا* خوب تَوَجُّہ سے بیان سُنوں گا*جو سُنوں گا، اُسے یاد رکھنے، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد

امیرِ حمزہ  رَضِیَ اللہ عنہ     کا مختصر تعارف

پیارے اسلامی بھائیو!حضرت امیرِ حمزہ  رَضِیَ اللہ عنہ  ہمارے پیارے آقا، مکی مدنی مصطفےٰ  صلی اللہ عَلَیْہِ وَ آلِہٖ وَسَلَّم   کے پیارے چچا جان ہیں، آپ پیارے نبی، رسولِ ہاشمی  صلی اللہ عَلَیْہِ وَ آلِہٖ وَسَلَّم   کی وِلادتِ باسعادت سے 2 سال پہلے دُنیا میں تشریف لائے۔ آپ کے 4 مشہور اَلْقَاب ہیں: (1):اَسَدُ اللّٰہ (اللہ کا شیر) (2):اَسَدُ الرَّسُول (رسولِ پاک  صلی اللہ عَلَیْہِ وَ آلِہٖ وَسَلَّم  کا شیر) (3):فاعِلُ الْخَیْرات (بہت بھلائی کے کام کرنے والا) اور (4):سَیّدُ الشُّہَدَاء(شہیدوں کے سردار)۔ ^([1])

کیا پوچھتے ہو کیا ہیں حضرت امیرِ حمزہ        حیرت کی انتہا ہیں حضرت امیرِ حمزہ

اللہ رے یہ نسبت! اللہ رے یہ عظمت!  سرکار کے چچا ہیں حضرت امیرِ حمزہ

اللہ و رسول کے شیر

معجمِ کبیر میں ہے: اللہ پاک کے آخری نبی، رسولِ ہاشمی  صلی اللہ عَلَیْہِ وَ آلِہٖ وَسَلَّم  نے فرمایا: اُس ذات کی قسم جس کے قبضے میں میری جان ہے! بےشک ساتویں آسمان پر لکھا ہے: حَمْزَةُ بْنُ عَبْدِ الْمُطَّلِبِ اَسَدُ اللهِ وَاَسَدُ رَسُوْلِهٖ یعنی حضرت حمزہ بن عبد المطلب  رَضِیَ اللہ عنہ    اللہ اور اس کے رسول کے شیر ہیں۔ ^([2])

وہی شیر ہیں خُدا کے اور شیر مصطفےٰ کے   ہیں مُحِبِّ حبیبِ دَاوَرْ آقا امیر حمزہ!