ذِکْر و درود بھی کریں * کثرت سے تِلاوت بھی کریں * غرض؛ جتنی زیادہ ہو سکے بس عِبَادت کی طرف لَو لگائے رکھیں، ابتدا میں کچھ مشکل ہو گی، پِھر اِنْ  شَآءَ اللہ الْکَرِیْم! آہستہ آہستہ نفس عادِی ہو جائے گا اورعِبَادت میں لذّت ملنا شروع ہو جائے گی ، پِھر نفس خُود ہی عِبَادت کی طرف مائِل رہے گا۔  

عبادت میں  ، ریاضت میں  ، تلاوت میں   لگا دے دل   مہِ رَمضان کے صدقے میں فرما دے کرم مولیٰ!

بنا مجھ کو مُحَمَّد مصطَفٰے کا عاشِقِ صادِق     تُو دیدے سوزِ سینہ کر عنایت چشمِ نَم مولیٰ!

نیک اَعْمَال اپنا لیجیے!

نفس پر عِبَادت کا بوجھ ڈالنے کے لیے  ایک بہترین حکمتِ عملی وہ ہے جو دورِ حاضِر کی عظیم علمی و روحانی شخصیت شیخِ طریقت، امیرِ اہلسنت حضرت علّامہ مولانا محمد الیاس عطّار قادری   دَامَت بَرَکاتہمُ الْعَالِیہ   نے عطا فرمائی ہےیعنی نیک اَعْمَال۔ اسلامی بھائیوں کے لیے  72 نیک اعمال ہیں، اسلامی بہنوں کے لیے  63، طلبا کے لیے  92 اور چھوٹے بچوں کے لیے  40۔ یہ نیک اَعْمَال اپنا لیں، اس میں بہت ساری عِبَادات ملیں گی، مثلاً* اس میں ایک نیک عمل پانچوں نمازیں باجماعت پڑھنے سے مُتَعَلِّق  ہے* اچھی اچھی نیتیں کرنے کا نیک عَمَل ہے * اس میں نوافِل بھی شامِل ہیں * تِلاوت* ذِکْر  و درود * مختلف سنّتیں  * سلیقہ شِعَارِی * مختلف آداب وغیرہ بہت کچھ ہے۔ اگر ہم یہ نیک اَعْمَال خُود پر نافِذْ کر لیں تو اِنْ  شَآءَ اللہ الْکَرِیْم! بڑی آسانی سے نفسِ اَمَّارہ  کا زور توڑنے، اسے سدھارنے میں کامیاب ہو جائیں گے۔  

میں نثار ایسا مسلماں  کیجیے                توڑ  ڈالیں  نفس  کا  زُنّار  ہم^([1])