میں داخِل ہوجا۔

آپ اَلحمدُ لِلّٰہ!ان پاک بندوں میں شامِل ہو کر اللہ پاک کی عطا سے اُس کے بندوں کی مدد فرماتے اور سوالیوں کی جھولیاں بھرتے ہیں۔

نفسِ اَمَّارہ کو سُدھارئیے...!!

اللہ پاک کی حضرت امیر حمزہ  رَضِیَ اللہ عنہ   پر کروڑوں رحمتیں برسیں، اللہ پاک ہم گنہگاروں کو ان کا فیضان نصیب فرمائے۔ یہاں ہمارے لیے  بھی سیکھنے کا سبق ہے۔ دیکھیے! نَفْسِ مُطَمَئِنَّہ کی کیسی فضیلت ہے، جو خُوش نصیب اپنے نفس کو سُدھار کر نَفْسِ مُطَمَئِنَّہ بنانے میں کامیاب ہو جاتا ہے، اس کی رُوح قبض ہوتے وقت اسے خوشخبری دی جاتی ہے، اسے کہا جاتا ہے: اے اطمینان والی جان! چل! اپنے رَبّ کی طرف پلٹ آ۔ اللہ پاک کے خاص بندوں میں داخِل ہو جا، اللہ پاک کی بنائی ہوئی جنّت میں آجا...!!

سُبْحٰنَ اللہ!غور فرمائیے! صاحِبِ نَفْسِ مُطَمَئِنَّہ کی کیسی شان ہے۔ ہمیں بھی چاہیے کہ ہم اپنے نفسِ اَمَّارہ  کو سُدھار کر نَفْسِ مُطَمَئِنَّہ بنانے کی بھرپُور کوشش کریں۔ 

کامیابی کا اَصْل مِعْیار

اللہ پاک نے پارہ:30، سورۂ شمس ،  میں فرمایا:

قَدْ اَفْلَحَ مَنْ زَكّٰىهَاﭪ(۹) وَ قَدْ خَابَ مَنْ دَسّٰىهَاؕ(۱۰) (پارہ:30، سورۂ شمس:9-10)

تَرْجمۂ کَنْزُالعِرْفان: بیشک جس نے نفس کو پاک کر لیا وہ کامیاب ہوگیا اور بیشک جس نے نفس کو گناہوں  میں  چھپا دیا وہ ناکام ہوگیا۔

معلوم ہوا؛*کامیابی کا معیار عزّت و شہرت نہیں*کامیابی کا معیار مال ودولت،