هيءَ معلوم ٿي ته اسان پنهنجن فوت ٿيلن لاءِ نيڪ ڪم ڪريون ۽ ان جو ثواب کين پهچايون ته ان جو فائدو کين ضرور پهچندو آهي. صحابيءِ رسول حضرت انس بن مالڪ رَضِیَ اللہُ عنہ فرمائن ٿا: مون عرض ڪيو: يا رسول الله صَلَّی اللہُ عَلَیْہِ وَ آلِہٖ وَ سَلَّم! منهنجا ماءُ پيءُ اوهان تان قربان ٿين ...!! اسان پنهنجن فوت ٿيلن لاءِ صدقو ڪندا آهيون، انهن جي طرفان حج ڪندا آهيون ته ڇا اهو کين پهچندو آهي؟ فرمايائون: ها! اُهو کين پهچندو آهي ۽ اهي اُن (ايصالِ ثواب) تي اهڙي طرح خوش ٿيندا آهن جيئن توهان (زندهه ماڻهو) تحفي ملڻ تي خوش ٿيندا آهيو. ^([1])

سُبْحٰنَ اللہ! پيارا اسلامي ڀائرو! جڏهن ڪو اسان کي تحفو ڏيندو آهي ته اسان کي ڪيڏي نه خوشي ٿيندي آهي، پياري نبي، رسولِ هاشمي صَلَّی اللہُ عَلَیْہِ وَ آلِہٖ وَ سَلَّم فرمايو: اهڙي ئي خوشي فوت ٿيلن کي ان وقت ٿيندي آهي جڏهن کين ايصال ثواب جو تحفو پيش ڪيو ويندو آهي.اِها ڪيڏي نه پياري ڳالهه آهي، هاڻي ٿورو تصور ڪريو! * اسان صحابه ڪِرام کي ايصال ثواب جا نذرانا پيش ڪندا آهيون * اولياءِ ڪرام کي ايصال ثواب ڪندا آهيون * حضور غوث پاڪ جي يارهين ڪندا آهيون * خواجه حضور رَحمۃُ اللہِ عَلَیْہ جو نياز  ورهائيندا آهيون * اعليٰ حضرت رَحمۃُ اللہِ عَلَیْہ جي خدمت ۾ ثواب پيش ڪندا آهيون. ان تي اُهي بزرگ ڪيڏو نه خوش ٿيندا هوندا ۽ هي اسان جو ايمان ۽ يقين آهي ته جنهن کان * صحابه ڪرام