ڪجهه خوشنصيب غوث پاڪ رَحمۃُ اللہِ عَلَیْہ  ۽ پنهنجن پيرانِ عظام جي ايصال ثواب لاءِ قربانيون ڪندا آهن، انهن کي غوث پاڪ جو ٻڪرو، خواجه حضور جي ڳئون وغيره جو نالو ڏيندا آهن اهو بلڪل جائز آهي. ان جو مطلب اِهو ئي هوندو آهي ته کاڌو کارائڻ، قرباني ڪرڻ الله جي رضا جي لاءِ آهي، ان جو جيڪو ثواب اسان کي ملندو آهي، اُهو اسان غوث پاڪ، خواجه حضور ۽ پنهنجن پيرن جي نذر ڪندا آهيون ٿا. اهڙو کاڌو کائڻ، اهڙي قرباني جو گوشت کائڻ بلڪل جائز آهي. الله پاڪ قرآن پاڪ ۾ فرمائي ٿو: 

فَكُلُوْا مِمَّا ذُكِرَ اسْمُ اللّٰهِ عَلَیْهِ اِنْ كُنْتُمْ بِاٰیٰتِهٖ مُؤْمِنِیْنَ(۱۱۸) (پارو: 8 سورة الانعام: 118)

ترجمو ڪنز العرفان: پوءِ ان منجهان کائو جنهن تي الله جو نالو ورتو ويو جيڪڏهن توهان ان جي آيتن تي ايمان رکو ٿا.

يعني اي ايمان وارو! جيڪڏهن توهان الله جي آيتن تي ايمان رکو ٿا ته اُهي شيون کائو جن تي الله پاڪ جو نالو ورتو ويو آهي.

ان کان پوءِ جيڪو الله پاڪ فرمايو اُهو غور سان ٻڌو! فرمايو ويو:

وَ مَا لَكُمْ اَلَّا تَاْكُلُوْا مِمَّا ذُكِرَ اسْمُ اللّٰهِ عَلَیْهِ وَ قَدْ فَصَّلَ لَكُمْ مَّا حَرَّمَ عَلَیْكُمْ (پارو: 8 سورة الانعام: 119)

ترجمو ڪنزالعرفان: ۽ توهان کي ڇا ٿيو آهي ته توهان ان منجهان نه کائو جنهن تي الله جو نالو ورتو ويو آهي. حالانڪ اهو توهان جي لاءِ اهي شيون تفصيل سان بيان ڪري چڪو آهي