پريشان ٿي ويندا هئا، فون مٿان فون اچڻ شروع ٿي ويندا هئا، ماءُ تڙپي ويندي هئي ته هاءِ! منهنجو لعل اڃان تائين گهر نه موٽيو آهي، هزارين وسوسا هڪ منٽ ۾ سندس دل تي تَري ايندا هئا. پوءِ جڏهن اسان گهر پهچندا هئاسون ته ماءُ سيني سان لڳائي مٿو چمندي هئي. آهه! اڄ اُهي ماءُ پيءُ جڏهن قبر ۾ آهن ته هاڻي اولاد کي هفتو هفتو، مهينو مهينو پر سالن تائين انهن جي ياد به نه ايندي آهي، انهن جي قبر تي کين وڃڻ نصيب نه ٿيندو آهي. ڪاش! اسان هوش ۾ اچون، ڪاش! اسان ماءُ پيءُ جو قدر سڃاڻيون، توهان ڏسو! ڪيڏي نه پياري فضيلت بيان ڪئي وئي: جيڪو ماءُ پيءُ جي قبر تي وڃي، الله پاڪ کيس مقبول حج جو ثواب عطا فرمائيندو ۽ ان سان گڏوگڏ جڏهن اُهو شخص پاڻ پنهنجي قبر ۾ لهندو ته الله پاڪ جا فرشتا ان جي قبر جي زيارت لاءِ ايندا.

گناهن کان بچو ...!!

پيارا اسلامي ڀائرو! مرحوم والدين جا ٻيا به تمام گهڻا حق آهن، آخر ۾ هڪ سبق آموز حديث پاڪ ٻڌو! رسولِ ذيشان، مڪي مدني سلطان صَلَّی اللہُ عَلَیْہِ وَ آلِہٖ وَ سَلَّم فرمايو: هر سومر ۽ خميس جي ڏينهن الله پاڪ جي بارگاهه ۾ ٻانهن جا اعمال پيش ڪيا ويندا آهن ۽ انبياءِ ڪرام عليهم السلام ۽ مرحوم ماءُ پيءُ جي سامھون هر جمعي تي ٻانهن جا اعمال پيش ڪيا ويندا آهن. نبي جڏهن پنهنجي امتين جون ۽ ماءُ پيءُ جڏهن پنهنجي اولاد جون نيڪيون ڏسندا آهن ته سندن چهرا خوشيءَ وِچان ٻهڪڻ لڳندا آهن. اي الله جا ٻانهو! الله پاڪ کان ڊڄو! پنهنجي مرحوم والدين کي پنهنجن گناهن سان تڪليف نه