پيءُ کي ڏسڻ سان سڪون به ته ملندو آهي، ٿڪاوٽ به ته لهي ويندي آهي، ماءُ پيءُ سان ڳالهائي، انهن جي دل جي ٻڌڻ سان، پنهنجي دل جي ٻڌائڻ سان غم به ته هلڪا ٿي ويندا آهن. هاڻي قبر جي زيارت ڪري مقبول حج جو ثواب ته ملي ويندو، پر هي جيڪي مٿيان فائدا آهن، دل کي سڪون ملڻ، غمن جو هلڪو ٿيڻ، اُهي ته هاڻي ميسر نه ٿي سگهندا، قبر تي ويندا ته اتي مٽي نظر ايندي، امي جان، ابو جان جو چمڪندڙ، مسڪرائيندڙ چهرو ته نظر نه ايندو.

قبر جي زيارت  ڪرڻ ۾ جئين ته اهو ڏک به شامل آهي، تنهنڪري پياري آقا صَلَّی اللہُ عَلَیْہِ وَ آلِہٖ وَ سَلَّم رحمت جو اظهار ڪيو، فرمايائون: جيڪو ڪثرت سان پنهنجي ماءُ پيءُ جي قبر جي زيارت ڪري (ان کي مقبول حج جو ثواب ته ملندو ئي ملندو، ان سان گڏوگڏ  هڪ ٻيو انعام به کيس ملندو ته) جڏهن هي نيڪ پٽ پاڻ پنهنجي قبر ۾ لهندو ته فرشتا سندس قبر جي زيارت لاءِ ايندا. ^([1])

سُبْحٰنَ اللہ! پيارا اسلامي ڀائرو! ڏسو! ڪيڏيون نه پياريون پياريون فضيلتون آهن، پر افسوس! اولاد انهن فضيلتن کان بي خبر هوندي آهي، اڄ ماءُ پيءُ کي دفن ڪرڻ کان پوءِ ڪجهه ڏينهن ته غم تازو هوندو آهي، روزانو ماءُ پيءُ جي قبر تي حاضري ٿيندي رهندي آهي، پر جلد ئي ماڻهو دنيا جي گَهما گَهمي ۾ گُم ٿي ويندا آهن، پوءِ شروع شروع ۾ مهينن جا مهينا ۽ پوءِ آهستي آهستي سالن جا سال گذري ويندا آهن، پر ماءُ پيءُ جي ياد به نه ايندي آهي.

افسوس! پيارا اسلامي ڀائرو! غور ته ڪريو! اسان جا اهي والدين ...!! جيڪي اسان جي رات جو 10 منٽ دير ٿي وڃڻ تي