ڪرڻ جي سعادت ملي ته اُهو پنهنجي بدران ماءُ پيءُ جي طرفان ڪريو! اِنْ شَآءَ اللہُ الْکَرِیْم! ان حج جو ثواب ماءُ پيءُ کي به ملندو ۽ ان سان گڏوگڏ توهان کي به  10 (ڏهن) حجن جو ثواب نصيب ٿي ويندو. جيڪڏهن ماءُ يا پيءُ مان ڪو هڪ اهڙي حال ۾ فوت ٿي ويو هجي جو ان تي حج فرض ٿي چڪو هو ۽ هُو نه ڪري سگهيا ته هاڻي اولاد انهن جي طرفان حجِ بدل ڪري سگهي ٿي. حجِ بدل  جا تفصيلي احڪام ڄاڻڻ جي لاءِ امير اهلسنت مولانا محمد الياس عطار قادري دَامَت بَرَکاتہمُ الْعَالِیہ جي ڪتاب رَفِیقُ الْحَرَمَین جي صفحي 208  کان 214  جو مطالعو فرمايو.

ماءُ پيءُ جي قبر تي وڃڻ

پيارا اسلامي ڀائرو! مرحوم ماءُ پيءُ جي حقن مان هڪ اهم حق هي به آهي ته پٽ ماءُ پيءُ جي قبر تي حاضري ڏيندو رهي. پياري آقا صَلَّی اللہُ عَلَیْہِ وَ آلِہٖ وَ سَلَّم فرمايو: جيڪو پنهنجي ماءُ پيءُ يا ٻنهي مان ڪنهن هڪ جي قبر تي هر جمعي جي ڏينهن زيارت لاءِ حاضر ٿيندو رهندو ته الله پاڪ ان جا گناهه بخشي ڇڏيندو ۽ کيس ماءُ پيءُ سان سٺو سلوڪ ڪرڻ وارو لکيو ويندو. ^([1])

هڪ حديث پاڪ ۾ فرمايو ويو: جيڪو شخص جمعي جي ڏينهن پنهنجي والدين يا انهن مان ڪنهن هڪ جي قبر جي زيارت ڪري ۽ انهن وٽ سورة يٰس پڙهي ته ان کي بخشيو ويندو. ^([2])