مرحوم والدين جا حَقَ

هڪ حديث پاڪ ۾ آهي: هڪ ڀيري هڪ صحابي رَضِیَ اللہُ عنہ حاضر ٿيا ۽ عرض ڪيائون: يا رسول الله صَلَّی اللہُ عَلَیْہِ وَ آلِہٖ وَ سَلَّم! مان پنهنجي ماءُ پيءُ سان سندن زندگي ۾ نيڪ سلوڪ ڪندو هئس، هاڻي اهي وفات ڪري ويا آهن، هاڻي انهن سان نيڪ سلوڪ ڪرڻ جو ڪهڙو طريقو آهي؟ پاڻ صَلَّی اللہُ عَلَیْہِ وَ آلِہٖ وَ سَلَّم فرمايو:

إِنَّ مِنَ الْبِرِّ بَعْدَ الْمَوْتِ أَنْ تُصَلِّيَ لَهُمَا مَعَ صَلَاتِكَ وَتَصُومَ لَهُمَا مَعَ صِيَامِكَ

ترجمو: بيشڪ مرڻ کان پوءِ ماءُ پيءُ سان نيڪ سلوڪ هي آهي ته تون پنهنجي نماز سان گڏ انهن جي لاءِ به نماز پڙهه ۽ پنهنجي روزي سان گڏ انهن جي لاءِ به روزو رک!^{(^[1])}

هن حديث پاڪ جون ٻه معنائون ٿي سهگن ٿيون: (1): جڏهن به توهان نماز پڙهو يا روزو رکو ته ان جو ثواب پنهنجي ماءُ پيءُ کي پهچائي ڇڏيو! (2): ٻيو مطلب اِهو ٿي سگهي ٿو ته انهن جي طرفان سندن نمازن ۽ روزن جو فِديو ڏيو ڇاڪاڻ ته اِها به انهن جي وفات کان پوءِ ساڻن ڀلائي جي هڪ صورت آهي.

سُبْحٰنَ اللہ! معلوم ٿيو ته صرف ختمِ قل شريف، ڏهون، چاليهو وغيره ئي نه، پر ماءُ پيءُ جي حقن مان آهي ته اولاد پنهنجي هر هڪ نيڪي ۾ والدين کي شامل ڪري، جيڪا به نيڪي ڪري ان جو ثواب ماءُ پيءُ کي پهچائي ۽ نفلي نيڪيون ڪري کين ثواب پهچائيندي رهي.

[1]... عمدۃ القاری، کتاب الوضوء، جلد:2، صفحہ:598-599، زیرِ حدیث:216۔

Important

Mobile Apps

Contact Us