عرض ڪيو: عاليجاهه! هن کي هڪ درهم به ڏيڻ ڪافي هو. پاڻ فرمايائون: (هي شخص منهنجي والد حضرت عمر فاروق رَضِیَ اللہُ عنہ جو دوست هو) ۽ رسولِ ذيشان، مڪي مدني سلطان الله صَلَّی اللہُ عَلَیْہِ وَ آلِہٖ وَ سَلَّم جو فرمان آهي:

اِحْفِظْ وُدَّ اَبِیْک لَا تَقْطَعْہُ فَیُطْفِئُ اللہُ نُوْرَکَ

ترجمو: پنهنجي والد جي محبت جي حفاظت ڪريو، اُن کي نه ٽوڙيو، نه ته الله پاڪ توهان جو نُور اُجهائي ڇڏيندو. ^([1])

سُبْحٰنَ اللہ! اسان کي به گهرجي ته والد جي وفات کان پوءِ سندن دوستن کي والد جي جاءِ تي سمجهون ۽ سندن عزت ڪريون.

والدين جي لاءِ بخشش جي دعا ڪرڻ

پيارا اسلامي ڀائرو! (4): چوٿون حق جيڪو بيان ڪيو ويو اُهو آهي والدين جي لاءِ بخشش جي دعا ڪرڻ. حديث پاڪ ۾ ارشاد ٿيو آهي: 

اِسْتِغْفَارُ الْوَلَدِ لِاَبِیْہِ مِنْ ^م بَعْدِ الْمَوْتِ مِنَ الْبِرِّ

ترجمو: پٽ جو پنهنجي والد جي لاءِ ان جي وفات کان پوءِ مغفرت جي دعا ڪرڻ نيڪ سلوڪ آهي. ^([2])

هن حديث پاڪ مان معلوم ٿيو ته مرحوم والدين جي حقن  مان آهي ته ماڻهو پنهنجي والدين جي لاءِ مغفرت جي دعا ڪندو رهي.