جي باري ۾ تفصيل دار الافتاء اهل سنت کان پڇڻ گهرجي. پر اسان کي جيڪڏهن پنهنجي والدين سان محبت جو اظهار ڪرڻو آهي ۽ ضرور ڪرڻ گهرجي، ته ان جو طريقو ڪهڙو آهي؟ اُهي ڪهڙا حق آهن جيڪي والدين جي وفات کان پوءِ به اسان تي لازم آهن؟ اچو ته ان بابت ڪجهه حديثون  ٻڌون ٿا:

مرحوم والدين جا 4 حَقَ

هڪ دفعي هڪ انصاري صحابي رَضِیَ اللہُ عنہ بارگاههِ رسالت ۾ حاضر ٿيا ۽ عرض ڪيائون: يا رسول الله صَلَّی اللہُ عَلَیْہِ وَ آلِہٖ وَ سَلَّم! ماءُ پيءُ جي انتقال کان پوءِ به ڪو طريقو انهن سان نيڪ سلوڪ ڪرڻ جو آهي؟ فرمايائون: نَعَمْ أَرْبَعَةُ أَشْيَاءَ: الصَّلَاةُ عَلَيْهِمَا، وَالِاسْتِغْفَارُ لَهُمَا، وَإِنْفَاذُ عَهْدِهِمَا مِنْ بَعْدِ مَوْتِهِمَا، وَإِكْرَامُ صَدِيقِهِمَا ها! والدين جا چار حق سندن وفات کان پوءِ به ادا ڪرڻ لازمي آهن: (1): انهن جي نمازِ جنازہ ادا ڪرڻ (2): انهن جي لاءِ مغفرت جون دعائون ڪرڻ (3): انهن جا ڪيل واعدا پورا ڪرڻ (مثال طور والدين ڪنهن سان ڪو واعدو ڪيو هجي ته اُهو پورو ڪرڻ) (4): سندن دوستن جي عزت ڪرڻ. ^([1])

هِي 4 حق آهن: (1):  جنازي نماز ادا ڪرڻ: هُونئن بهتر ته هي آهي ته پٽ پاڻ پنهنجي ماءُ پيءُ جو جنازو پڙهائي، پر افسوس! اڄڪلهه حالتون ڏاڍيون عجيب آهن، ماءُ پيءُ پنهنجو پگهر وهائي ڏينهن رات هڪ ڪري جن ٻارن کي پاليندا آهن، اُهي ان لائق ئي نه هوندا آهن ته جنازو پڙهائي سگهن. ڪاش ائين ٿي وڃي جو هر پٽ