Book Name:Marhoom Waldayn Ke Huqooq
دلته د قرآنِ کريم اُسلوب ته وګورئ! وفرمائيلے شو: پۀ تاسو څۀ شوي دي۔۔۔؟ څۀ وجه ده؟ څۀ داسې غرض دے چې پۀ کومو څيزونو باندې د الله پاک نوم واخستے شي، تاسو هغه نۀ خورۍ۔ کوم چې حرام څيزونه دي، هغه بيل بيان کړے شوي دي۔ د هغې نه ضرور ځان ساتئ، هغه مۀ خورئ! خو کوم چې حلال څيزونه دي، پۀ هغې باندې چې د الله پاک نوم واخستے شي نو د دې د وجې نه هغه نۀ حراميږي، هم حلال به وي، هغه ضرور خورئ!
اوس وګورئ چې * خوراک * اوبۀ * ميوې * چيلي * غوا * دا ټول حلال څيزونه دي، * که د يولسمې شريف ختم وي * د قُل شريف ختم وي * يا د الله والؤ پۀ نوم باندې قربانۍ اوکړے شي، پۀ هغې باندې هم د الله پاک نوم اخستے کيږي، د قرآنِ پاک د آيتونو تلاوت کيږي، خاص طور د څاروي د ذبح کولو پۀ وخت هم د الله پاک نوم اخستے کيږي، معلومه شوه چې د الله پاک پۀ نوم اخستو سره به دا څيزونه حرام نۀ شي بلکې پۀ دې کښې به نور برکت هم راشي، ځکه دا خوراکونه د برکت د پاره خوړل پکار دي۔
(2): آيا وفات شوو خلقو ته ثواب رسيږي؟
د حضرت سعد بن عباده رَضِىَ اللهُ عَـنْهُ والا حديثِ پاک نه دويمه خبره دا معلومه شوه چې مونږ د خپلو وفات شوو خلقو د پاره د نيکۍ کارونه اوکړو، د دې ثواب چې هغوئي ته ور وبخښو نو د دې فائده هغوي ته ضرور رارسيږي۔ صحابئ رسول حضرت اَنس بن مالِک رَضِىَ اللهُ عَـنْهُ فرمائي: ما عرض اوکړو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! زما مور او پلار دې ستاسو نه قربان شي۔۔۔!! مونږ د خپل وفات شوو د پاره صدقه کوو، د هغوئي د طرف نه حج کوو، آيا دا هغوئي ته رسيږي؟ وه يـې فرمائيل: آؤ! دا هغوئي ته رسيږي او هغوئي پۀ (ايصالِ ثواب) باندې داسې خوشحاليږي، لکه څنګه چې تاسو (ژوندي خلق) پۀ تحفه ميلاؤيدو خوشحاليږۍ۔([1])