د هغوئي د پاره هم نـمونځ کوې، د خپلې روژې سره د هغوئي د پاره هم روژې نيسې!^([1])

د دې حديثِ پاک دوه معنې کيدے شي: (1): کله چې هم تاسو نـمونځ کوۍ! روژه نيسۍ نو د دې ثواب خپل او مور پلار ته رسوئ! (2): دويمه معنیٰ دا کيدے شي چې د هغوئي له طرفه د نمونځونو او روژو فِديه ورکړئ چې دا هُم د هغوئي د وفات نه پس د هغوئي سره د ښيګړې يو شکل دے۔

سُبْحٰنَ اللہ! معلومه شوه چې يواځې دريمه، لسمه، څلويښتي وغيره نۀ بلکې د مور او پلار پۀ حقونو کښې دي چې اولاد پۀ خپله هره يوه نيکۍ کښې هغوئي ټول شامل کړي، چې څۀ نيکې هم کوۍ نو د هغې ثواب مور او پلار ته بخښئ او پۀ نفلي نيکو کولو سره هغوئي ته ثواب رسوئ۔

 د مور او پلار د طرف نه حج کوئ!

خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم فرمائيلي دي: څوک چې د خپل مور پلار د طرف نه حج اوکړي، يا د هغوئي قرض ورکړي، الله پاک به د قيامت پۀ ورځ هغه د نيکانو خلکو سره پاڅوي۔^([2])

پۀ يو روايت کښې فرمائي: اِنسان چې کله د خپل مور پلار د طرف نه حج کوي، هٰغه حج د هغۀ او د هغۀ د مور پلار د طرف نه قبلولے شي او د مور پلار رُوحونه د هغۀ نه پۀ اسمان کښې خوشحاليږي او دا کَس د الله پاک پۀ نزد د مور پلار سره د ښه سلوک والا