کوم چې دلته رائج دے، کله چې مور او پلار دواړه يا پۀ دوئي کښې يو د دُنيا نه لاړ شي نو د اولاد د طرف نه د محبتونو اظهار څۀ داسې کيږي چې د هغوئي قبرونه پخولے کيږي، پۀ قبرونو باندې د پاسه ماربل لګولے کيږي، ښکلي قبرونه يـې جوړولے کيږي۔

قبر پخول جائز دي که نۀ؟ دا يوه جُدا مسئله ده، د دې تفصيل د دار الافتاء اهلسنت نه پوښتل پکار دي خو مونږ له که د مور او پلار سره د محبتونو اظهار کول بلکې لازمي کول پکار دي، د دې طريقه به څۀ وي؟ هٰغه کوم کوم حقونه دي کوم چې پۀ مونږ باندې د مور او پلار د وفات کيدو نه پس هم لازمي وي؟ راځئ چې پۀ دې باره کښې يو څو حديثونه واورو:

د وفات شوو مور او پلار حقونه

يو ځل يو انصاري صحابي رَضِىَ اللهُ عَـنْهُ دربارِ رسالت ته حاضر شو، عرض يـې اوکړو: يا رسول الله صَلَّى اللهُ عَلَيْهِ وَاٰلِهٖ وَسَلَّم! د مور پلار د وفات نه پس هم د هغوئي سره د ښه سلوک کولو څۀ طريقه شته ؟ وه يـې فرمائيل: ‌نَعَمْ اَرْبَعَةُ اَشْيَاءَ الصَّلَاةُ عَلَيْهِمَا وَالِاسْتِغْفَارُ لَهُمَا وَاِنْفَاذُ عَهْدِهِمَا مِنْ بَعْدِ مَوْتِهِمَا وَاِكْرَامُ صَدِيقِهِمَا آؤ! څلور حقونه د مور پلار د وفات نه پس هم لازم دي (1): د هغوئي جنازه کول (2): د هغوئي د پاره د بخښنې دعاګانې کول (3): د هغوئي وعدې پوره کول (مثلاً که مور او پلار د چا سره څۀ وعده کړې وي نو هغه پوره کول) 4): د هغوئي د دوستانو عزت کول۔^([1])

دا 4 حقونه دي: (1): جنازہ يـې کول۔ هسې ښه خو دا ده چې ځوي پخپله د خپل مور او پلار جنازه اوکړي خو افسوس چې نن سبا حالات ډير عجيبه دي، مور او پلار چې پۀ